Friday, October 30, 2009

ناقص برج




الورق اتكوِّم ف الدرج

والمفتاح ف الشنطة البمبي

كانت جمبي

بس نسيتها ف اخر بنش

طب معلش

انالو فاضيه

كنت قدرت البسلك وش

واضحك علي عقلك بالعافيه

واكدب..نفسي اكدب بصراحه

!!لكن معرفش

ناقص برج

كان موجود امبارح بس

طار ورا حلم قديم ..مارجعش

والياسمين طبعا ماطلعش

من ساعت ماسافرت وسبته ..اخر مره

"طب والله دي اخر مره"

كلمته وقال ايه ماسمعش

جوه السيرك

البلياتشو مابيضحَّكش

من غير سرج..ركبت الموجه

ولسه باجمّع ورق النوجه

مع انها ضاعت ف البوسطة

بس ف قلبي اكيد ماضاعتش

اخر ورقه

كانت زرقه

لكن قلبي مكانش بلون

كان بيساع الناس والكون

لما بكيت.. اتبل وكش

فقت لاقيتني بواقي مكان

... وكيان وجنون

تهت كأني مجرد ابره.. ف كومة قش

Wednesday, June 24, 2009

عدت...


عدت...

عدت وشوقي اليك يتضاعف كل ساعه..ثانيه..طرفه عين

لن اكرر نفسي ..واقول انني افتقدتك طوال ابتعادنا

لانني افتقدتك اكثر عندما التقيتك

تلك الرعشه التي ايقظت الطفله بداخلي من جديد

لا افهم سر عذابي

احبك؟؟

هذا ماتأكدت منه اليوم

اليوم فقط

واطرح عليك بعيني ذات السؤال الازلي

المكرر والذي لم اجرؤ يوما علي طرحه

ولا اظن ان الفرصه ستتسني ابدا كي اعرف اجابته

اتحبني؟؟

اتحبني؟؟؟

لا تجب

لست علي استعداد لتقبل اي فكره اخري حاليا

مجرد

انني

لا

احتمل

العيش بدونك

لا يعني انني اود التنازل اكثر بطرح سؤال كهذا

احبك اذا

ولا افهم سر الغموض المحيط بنا

فانا وانت فقط ..هذا الفريق المكون من اثنين

يفهم احدنا الاخر بلا اي مجهود يذكر

يهتم

يراعيه

بعيدا عن الجميع

في مملكتي التي حلمت بها قديما

اراها الان

هل هي السراب بعينه؟؟

ام انك ستتنازل عن وقارك قريبا

مرة اخيرة

احبك

واعذرني _ياعزيزي_مع احترامي لكل ذرة احساس حملتها يوما ما لك ولازلت

فليس امامي سوي الرحيل

كي انقذ ماتبقي من قلبي

الذي مزقه ترددك

Friday, May 15, 2009

مجتش علي دي





هو فراق  ولا أكتر؟؟؟

Saturday, May 02, 2009

ومضات ج1

ومضات ومضات..
.تتحرك سريعا كشريط ذكريات بلامونتاج
 تداخلت الاحداث ربما والايام المدونه في  نهايه صفحات العمر
هي كل المشاعر التي تتكدس في الفمتو ثانيه التي تسبق اصطدامك وجها بوجه بتلك السيارة السائرة عكس الاتجاه
اوانزلاقك وسقوطك علي راسك بسبب الحذاء الجديد
تسرب المخدر في دماءك وانفصالك عن عالم الاحياء..عفوا..اليقظين شيئا ف شيئا.
.ودخولك ذلك النفق الذي زعم كل من خاض تجربتك تلك انهم دخلوه 
كل هذا و انت تحت تصرف جراح ما..
الدوران الذيذ المصاحب باضطرابات المعدة ثم السقوط الغير مؤلم ارضا
الغوص في بئر اللاوعي
استسلام رئتاك لضغط المياة اخيرا بعد طول مقاومة..والرقود في قاع بحيرة ما
اصوات من بعيد
ضحكات
صراخ
انصت الي الهدؤ
رؤي غير  واضحة 
مشاهد مكرره
لامكان هنا للترتيب
لامكان هنا للمعقول
فقط يستمر شريط السينما في السير
وتستمر المشاهد في التتابع
ومضات
ومضات
ومضات


---------------
1-خليني اوصلك للبيت
---------------
2-عمر ماهتلاقي حد يحبك ولا يقدرك زيي
---------------
3-هو قاللك عليا كده؟؟؟
---------------
4-ميت مرة قلت مش هيطلع هنا
---------------
5-هههههههه مشكلتي اني بثق فيك
---------------
6-عارفة..انا قدامك بكون زي العيل الصغير
--------------
7-لحد امتي هتبقي عبيطة؟
--------------
8-علي فكرة انتي مش سهلة
--------------
9-للأسف مش واثقة ف نفسك
--------------
10-ماحبيتهاش صراحة
-------------
11-هي طالعة فيها كده ليه
-------------
12-حمدالله علي سلامتك وصلتي امتي؟
-------------
13-انا اسف..دايما متأخر عليكي .
-------------
14-هو ليه يوسف حصل له كده
-------------
15-اشهد ان لااله الا الله واشهد ان  محمدا عبده و رسوله
-------------
16-من زمان وانا عايزة اقوللك.....
-------------
17-وطي صوتك شويه
-------------
18-انا بحب الاغنيه دي اوي..بعتهالك اسمعيها
-------------
19-انا والدها..هي توفت من اسبوعين
-------------
20-حي علي الصلااة
-------------
21-شكلك عصبيه
-------------
22-نفسي تتخلي عن برودِك ده
-------------
23-عايزة مني ايه اتبرا منهم يعني؟
-------------
24-اصلك مابتزعليش
-------------
25-ماتصلتيش ليه؟..اقدر اشوفِك دلوقتي؟
-------------
26-ماتعرفيش دودا وبطوط؟؟
-------------
27-لا مش عايزاكي تطلعي عندنا..كفاية
-------------
28-اصالحها اخاصمها...مالكيش انتي دعوة
-------------
29-امل شدت شعري
-------------
30-مش كفاية ابوكي واكل كل حاجه !!!


2 b continued....

Wednesday, April 15, 2009

نيسان اخر..وذات الحلم







-انها انا مرة اخري


لازلت انتظر الحلم القديم..ولازال مصرا علي التأخير


-مازال القلب العاشق عاشقا حتي النخاع


وان كان اقل جموحا


بعدما تأقلم مع قوانين النضج الصارمة


واقتنع ..علي مضض..بان الحياة


ليست مصباح علاء الدين


-قررت اخيرا ان ابتسم و أمضي في الطريق وإن كنت وحدي


تلك احدي الاشياء التي علمتني اياها دون ان تدري


فلابد للحياة ان تستمر


-آن للطفلة ان تحل ضفائرها


وتتوقف عن البكاء في حضن امها


لانها ببساطة..لم تعد طفلة

او هكذا قالوا لها


-امنية اخيرة وان كانت مستحيلة...


ليت اقصي مشاكل الحياة توقفت عند..ابله الهام ومستر ايهاب






المدونه وحشتني اوي اوي


التدوين بصفه عامة مفتقداه بس غصب عني


انا ف كليه عجيبه..الترم فيها عبارة عن 3 شهور منهم شهرين ونص امتحانات هههههههه


مش عارفه مناهج ايه دي


ربنا يعدي الشهر الجاي ده علي خير


اقصد الشهرين


ماهو احنا لسه ليلتنا طويله


اروح اكمل مذاكره بقي


بس باذن الله ليا عوده عشان كده هتجنن


Saturday, February 14, 2009

ها نــِـت



عادي جدا لو خسرتي

باختيارك

احلا شئ فيكي

امتلاكك

"آه ولأه"

جوا منك نبضة عاشقة

تنفلت من رتم قلبك

بس ف الاخر تسلم

وبكسوف تداري تاني

تبقي
زي

اي
دقه

بكره هتكرر

"غلطها"

بعده هتأكد سكاتها

بس ف الاخر هتكشف

عن عنادها

وانتي خايفه عليها جايز

والالم ف الحب جايز

واللي عايز

يشتري يرمي البياض

والمراد

مالهوش محطه

ماتقوليش القطر عدي

شقي روح الضلمة شقة

بالمشقة

ياخدك النور جوا حضنه

وبإرادتك

يستخبي

جوا منك >>تبقِي منه

اضحكي للدنيا ضحكة

تنطوي م البعد سكة

تنقضي م الساعة تكة

اصبري ع الحلم

هانت

لسه فاضل بس

زقة

Monday, February 09, 2009

توهااااااان




(1)

مبخافش م التوهان

مبقيتش زي زمان

ف القلب باقي كتير

لسه الجراب مليان

-------

(2)

لسه الورق عطشان

للحبر والالوان

للبحر لما يغير

ع الرمل م المشاوير

فوق شطك الدفيان

-------

(3)

بعض الكلام احلام

ساكنين ف برج حمام

مش محتاجين تفسير

مع انهم فوازير

عايزين معاد تصوير

مع ريشة للفنان

-------

(4)

سن القلم مسكون

مصباح وفيه مارد

شارد

ومش مضمون

باعت جواب للكون

ع الظرف ميت عنوان

لكنهم واحد:

(خارج عن المالوف

ضايع من الاوطان)

-------

(5)

جوايا فيه اسرار

محسوبه ع المشوار

شخبوطة من سطرين

مشحونه بالافكار

حرف الندا ..حرفين

فارس عليه العين

موجود ومش موجود

مجنون لكنه ..رزين

بس ف معادنا يتوه

ويسيح كلام الليل

لما النهار

هيبان

-------
توهااان..معرفش دا الي كنت حاساه ساعت ماكتبتها..بغض النظر عن اني ببقي زعلانه لما مزاجي يتحكم فيا زي ماقلت ف البوست اللي فات ..لكن ببقي في قمة سعادتي لما بحس بالتوهان...بشرط ان توهاني يكون توهان ايجابي ..مش سلبي حد فاهم حاجه؟
هعتبر ان حد قاللي اه
المهم اني حاليا اعيش حالة توهان لا احسد عليها..عارفه انه توهان لحظي..ومسيره يتكل علي الله ويرحل
عارفه برضه انه توهان بسبب اني مش عاوزة اواجه حاجات كتييييييير جدا عشان لما جربت اواجهها قبل كده بقيت عامله زي عربيه فرامل اليد بتاعتها مرفوعه ومش عارفه تتحرك وماكنتش عارفه اكتب ولا اعمل ايه حاجه...عشان كده التوهان احسن حل
اتمني الحاله دي تدوم اطول فتره ممكنه...لانها فعلا عامله زي المخدر..مخلياني مش حاسه باي شئ مؤلم حواليا او يدايق..بس للاسف لما هتخلص...بوووووم
برضه مش قادره افهم ايه الرغي الكتير اللي انا كتبته فوق ده..بس مش مهم اعتبروه مش موجود
برضه كلمه اخيره واقفه ف زوري
أنا بتعلم منك..علم قلبي كمـــان...ولا اقوللك كفااااااايه علام لحد كده بليييييز

Sunday, February 01, 2009

!..علي فكرة دا مش لعب عيال




من حقي احلم واهرب فيك
واتجنن وياك ف الحلم
ونقصقص ورق الايام
فوق مشاويرنا
ال..نص بعيدة
ونشقلب شكل المعقول
او نخرج عن نَص الفيلم
نبقي عيال
جواهم اكبر قلبين
بيشخبطو علي الحيطة كلام
ركنو العقل هناك ع الرف
واتحرروا من زحمة غيرهم
جوا الصف
نضحك سوا علي نفس النكته
بدون تكتيف
ونسمة صيف
تلمس احساسك.>>تتكلم
بحروف واقعة ف وسط الجملة
بعشق نغمتها المخطوفه
لما تقرب من احساسي
ولما تضم

--------------
7-12-2008
---------------
ساعات بنحس اننا اتولدنا مجانين..ساعات بنحس اننا اتولدنا عشان نجنن غيرنا...ساعات بنطلع للحياة عاقلين زياده عن اللزوم..وبنخطف لحظات الجنون بين الحين والاخر..عشان نكسر رتابه الحياة..كل الحكايه اني كالعاده كنت برتب ملفاتي اللي مش قديمة قوي...ولاقيت القصيده دي..وبصراحه سالت نفسي انا ليه مانزلتهاش وقت ماكتبتها..واكتشفت اني ماكانش ليا مزاج ساعتها..حاجه بايخه جدااا لما يكون مزاجك هو اللي متحكم فيك..خاصه لو كان بيتغير كتير حسب مزاجه هو!!...بس بما اني اعلنت العصيان علي مزاجي...الاعلان ده كان النهارده الصبح قبل ماقوم من السرير علي فكرة.....فقلت اما الحق انزل القصيده لاني عارفه اني ع الضهر هيبقالي اكيد راي تاني..وع العصر هيبقالي راي تالت..وع المغرب..مش هيبقالي اي آراء لأني..ا بنام بعد العصر.....المهم انا برغي ليه معرفش...صحيح..كلمه اخيره واقفه ف زوري
صباح الخير ,,والاحساس,, والطيــــــــــــــــبة

Friday, January 23, 2009

الحياة خارج غلافك الجوي

آان الاوان للتوقف

فلامعني للاحلام دون ان تفسر

والا صارت مجرد ارهاقا ذهنيا لا اكثر

وانا مرهقة.

.لم اشعر بهذا الكم من الاجهاد منذ ..لااذكر متي

واحتاج اليك جدااا

للأسف

والسبب معروف

ليس لديك ادني فكره عن كم الضيق الذي امر به عندما اواجه نفسي بهذا الاحساس الشفاف الجميل!!!

ربما لأن نصفي المتشائم لا يري فيه اكثر من جنون انسانه خياليه اكثر من المألوف ومن المطلوب

انت ليس لديك ادني فكره عم فعلت برتابه ايامي

التي كنت قد اعتدتها

وكيف صرت اتنفس حديثك

واراجع كلماتك

وكانني اوشمها بذاكرتي كي لا تموت الا بموتي

ارحل..فهذا والله اهون..ارحل او اعطني الفرصه للهرب

فأنا اعتدت علي الهرب من انصاف الحكايات..لانني افقد القدره علي المواصله

ولا اقوي علي مواجهه عبارة حزينه تنتهي بكلمة...تمت

اترك النهايات مفتوحه علها تحمل بين طياتها املا بعيدا

واعلم انني احببتك..ومازلت

لكن شيئا ما ..رمزا ما..بداخلي..فقد معالمه بسببك..واكتسب طابعا ضعيفا هشا لا يقوي علي الاستمرار بدونك

وهذا لا اكرهه..الا عندما اكتشف انك ربما غدا سترحل..وتتركني اواجه ضعفي الذي لم اعتد عليه وحدي

او ربما هو كبريائي الذي يكره الخضوع حتي للحب

ايا كان ياعزيزي..فانا راضيه

فقط ساعدني ..وستندهش من قدرتي علي نسيانك

ونسيان نفسي

والبدء من جديد

فقط

اعطني الفرصه

كي اتنفس

خارج غلافك الجوي

Wednesday, January 07, 2009

عذرا غزة..

بمتحن..ومش فاضيه ادخل خالص للاسف
ومزاجي وحش.وماليش نفس اعمل ايه حاجه.
علشان اللي بيحصل ف غزة وفلسطين بوجه عام
اول مره اعرف ان العالم بالغباء ده
عالم غبي غبي غبي
وظالم
بجد بجد نفسي مسدودة من كل حاجه
طعم الموت حسيته كل لحظة بشوف اطفالنا بيموتو بدون رحمة وريحة الموت شاماها وانا من عندي
حرام كده
والله حرام
ناس كل جريمتها انهم عايزين يحرروا ارضهم
يقوم العالم كله يتفق عليهم كده
حسبي الله ونعم الوكيل
للاسف الشعوب اضعف من انها تواجه حكامها
مش قادره افهم ايه سر ضعفها كده
عذرا غزة.
اصبحنا لا نملك الا الدعاء