الورق اتكوِّم ف الدرج
والمفتاح ف الشنطة البمبي
كانت جمبي
بس نسيتها ف اخر بنش
طب معلش
انالو فاضيه
كنت قدرت البسلك وش
واضحك علي عقلك بالعافيه
واكدب..نفسي اكدب بصراحه
!!لكن معرفش
ناقص برج
كان موجود امبارح بس
طار ورا حلم قديم ..مارجعش
والياسمين طبعا ماطلعش
من ساعت ماسافرت وسبته ..اخر مره
"طب والله دي اخر مره"
كلمته وقال ايه ماسمعش
جوه السيرك
البلياتشو مابيضحَّكش
من غير سرج..ركبت الموجه
ولسه باجمّع ورق النوجه
مع انها ضاعت ف البوسطة
بس ف قلبي اكيد ماضاعتش
اخر ورقه
كانت زرقه
لكن قلبي مكانش بلون
كان بيساع الناس والكون
لما بكيت.. اتبل وكش
فقت لاقيتني بواقي مكان
... وكيان وجنون
تهت كأني مجرد ابره.. ف كومة قش
3 علق عالشماعة:
طبعا تحفة وجننتينا هناك عالفيس :)
النص ده عاجبني لدرجة الهوس يا مانو بجد
:)
ما تتأخريش بقى ف الكتابة تاني
عتاب لحبيب بعد قصة حب فاشلة
أم عتاب لصديق أو صديقة بعد خيانة ما؟
Post a Comment