-انها انا مرة اخري
لازلت انتظر الحلم القديم..ولازال مصرا علي التأخير
-مازال القلب العاشق عاشقا حتي النخاع
وان كان اقل جموحا
بعدما تأقلم مع قوانين النضج الصارمة
واقتنع ..علي مضض..بان الحياة
ليست مصباح علاء الدين
-قررت اخيرا ان ابتسم و أمضي في الطريق وإن كنت وحدي
تلك احدي الاشياء التي علمتني اياها دون ان تدري
فلابد للحياة ان تستمر
-آن للطفلة ان تحل ضفائرها
وتتوقف عن البكاء في حضن امها
لانها ببساطة..لم تعد طفلة
او هكذا قالوا لها
-امنية اخيرة وان كانت مستحيلة...
ليت اقصي مشاكل الحياة توقفت عند..ابله الهام ومستر ايهاب
المدونه وحشتني اوي اوي
التدوين بصفه عامة مفتقداه بس غصب عني
انا ف كليه عجيبه..الترم فيها عبارة عن 3 شهور منهم شهرين ونص امتحانات هههههههه
مش عارفه مناهج ايه دي
ربنا يعدي الشهر الجاي ده علي خير
اقصد الشهرين
ماهو احنا لسه ليلتنا طويله
اروح اكمل مذاكره بقي
بس باذن الله ليا عوده عشان كده هتجنن
9 comments:
بالتوفيق ان شاء الله
ربنا يعينك.
معلش بكرة الشهر يعدى بسرعة وترجعى تنورى عالم التدوين من تانى
ربنا معاكى وبالتوفيق إن شاء الله
تحياتى
شامم كده ريحة فهم أعمق للحياة ونقلة من مرحلة لمرحلة بعد إدراك إن للحياة أسس أخرى غير ما قد سبق
أنا قلت اعلق كام هدمه كده ع الشماعة ههههههههههه
ربنا يوفقك وتنتهي من جحيم التعليم ان شاء الله
----
كلماتك رائعة تستحق النظر
ياااااااه .. حمد الله على السلامة يا سوسو
واضح إن المذاكرة مأثرة عليكي ..
كلام فعلا يستحق التفكير والتأمل .. وأسلوب جميل كعادتك
ربنا معاكي يا جميلة والهرين يعدوا على خير
نضجتِ يا طفلتي
تحملتِ وجع النضوج
و أصبحتي تتحدثين بابتسامة شاحبة أراها بقلبي
أعلم أن النضج مؤلم جدا
لكنه بداية على طريق جديد
سيكون مختلفا
و ضوء الشمس يتغلغل بهِ
...
أنا عيزاااكي تخلصي الكلية اللي مش بتخلص دي و لا أنا عارفة الاقيكي و لا الاقي نفسي
:((
رئيس التحرير..
اولا شكرا علي اختبارك لمدونتي وثانيا اكيد يشرفني برضه المشاركه معاكو
بس كان ليا استفسار
عن نوعيه الحاجات المطلوب اشارك بيها وامتي محتاجينها؟؟
مسدس صغير..
يارب..انا بعاني فعلاااا
صدي الصمت
هم شهرين مش شهر ههههه
وبجد التدوين وحشني والكتابه وحشتني وانتو كلكو وحشتوني اوي
يامراكبي
تخمينك صح يااستاذي
بس انا مكنتش عايزة ادرك الاسس دي
انا كنت مرتاحه بالاسس القديمة
مصعب
الشماعه كسبت بتعليقك ونورت البلوج
والله انا نفسي انتهي من الجحيم اما التعليم فمش مدايقني هههههه
ياسمييييين
مايكونش عندك فكره دانا لو طلعت اللي جوايا هتكرهوني هههههه
يلا خير ربنا يستر
اسماااء
مؤلم اوي ياعزيزتي
حاسه اني مش انا
انتي كمان واحشاني
اصبري عليا ف الاجازة ان شاء الله هقرفك مني
بالامس اجتاحتني موجه كااابه...لاني فارقت حبيب...
لاكن كلامك اعاد لي بعض الامل....الحياة مستمره به او بدونه
هذا ما استشفيته من كلماتك
Post a Comment