عادي جدا لو خسرتي
باختيارك
احلا شئ فيكي
امتلاكك
"آه ولأه"
جوا منك نبضة عاشقة
تنفلت من رتم قلبك
بس ف الاخر تسلم
وبكسوف تداري تاني
تبقي
زي
اي
دقه
بكره هتكرر
"غلطها"
بعده هتأكد سكاتها
بس ف الاخر هتكشف
عن عنادها
وانتي خايفه عليها جايز
والالم ف الحب جايز
واللي عايز
يشتري يرمي البياض
والمراد
مالهوش محطه
ماتقوليش القطر عدي
شقي روح الضلمة شقة
بالمشقة
ياخدك النور جوا حضنه
وبإرادتك
يستخبي
جوا منك >>تبقِي منه
اضحكي للدنيا ضحكة
تنطوي م البعد سكة
تنقضي م الساعة تكة
اصبري ع الحلم
هانت
لسه فاضل بس
زقة
31 comments:
جميل جدااااااااا سلسبيل..
هى دى سلسبيل اللى اعرفها و بحبها ..
والله كلام اكتر من الرائع اشكرك واحييكى عليه..
ايه الحلاوة دى .
دا كلام يتاقل بالماس .هات يابنى واحد جنزبيل للاستاذه سلسبيل بالمناسبة السعيده دى..ههههههه اشكرك
رووووووووووعه يا سلسبيل احساس عالي جدا
happy Valantine Day
الله عليكي ..
أبدعتي بجد برافو عليكي
Happy Valentine's Day
مش عارف أنا سمعت الكلام ده فين قبل كده
يمكن من عمي أحمد فؤاد نجم
يمكن
:)
رائعه
دمتي بكل الود
أخوك
سناتيفو
ياحبي ربنا يخليكي
مايحرمنيش من ذوووقك
مسدس صغير
طب بلاش جنزبيل خليها ينسوون
وبعدين ماس حته واحده
دا كتير عليا والله
ربنا يخليك
دمت مبدعا
تي ووتر
ميرسي ياحبيبتي
واحشاني والله
دمتي بخير
فيرووووز
بعض مما عندكم يافندم
شكرا علي مرورك :)
الشارد
والله يافندم دانا كده هاخد ف نفسي مقلب لانه شرف كبير ليا اوي ان كلامي يتشبه بعمنا الجميل احمد فؤاد نجم
ميرسي علي ذوقك
خالص مودتي
الله يا سلسبيل
عامية جميلة
اهنيكي على نجاحك
أحلى حاجة بحبه في الدنيا هي التجديد .. عجبني قوي المعنى الجديد ده:
جوا منك نبضة عاشقة
تنفلت من رتم قلبك
بس ف الاخر تسلم
وبكسوف تداري تاني
تبقي زي اي دقه
بجد معنى جميل جدا
ماشاء الله عليكى سلسبيل
ابدعتى بحق
كلماتك اكثر من رائعة
تحياتى
بجد الله عليكى
كلامك حلو جدا وسلس ومعبر
عجبنة اوى
تحياتى ليكى
جميل قوى قوى البوست ربنا يوفقك
وكل عيد حب وانتى طيبة
عاشقة الورد
من اجل عينيك
شكرا ياعزيزتي علي زيارتك للبوست
واتمني اسعد بتشريفك دايما
يامراكبي
انا الفرحه مش سايعاني والله اني شفت تعليق حضرتك
وكمان لان القصيده عجبتك
شئ يسعدني جدا جدا ويشرفني واحتمال كبير محدش يقدر يكلمني بعد كده هههههه
ربنا يخليك يااستاذ
خالص مودتي
جميييييييييييييييييلة جدا يا سوسو
بجد تحفة ..
عجبتني أوي .. سلسة وكلماتها رقيقة
تسلم إيدك
ممكن أخد الفراشات اللي عندك أحطهم عندي في المدونة :-)))
العزيزة بارادايس
ربنا يخليكي
وحقيقي نورتيني باول زياره للمدونه
بنوووته
شكرا ياجميل ربنا يخليكي
ويارب اقدر اكون دايما عند حسن ظنك
الجميله عاشقه الورد
اشكرك ياعزيزتي علي ذوقك
وكل سنه وانتي طيبه
ياسميين
ياحبيبتي الفراشات والورد والبلوج كله تحت امرك ياجميل
هو احنا نطول
شاوري انتي بس وانا ابعتهملك بال دي اتش ال ..بس تكاليف النقل عليكي هههههههههه
منورة البوست ياجميل
الله عليكى
إية الكلام الجميل دة
أبدعت
كل سنة وانت طيبة
تحياتى
سلام
دردشة ع الماشي
ربنا يخليكي علي ذوقك
كل سنه وانتي طيبه ياجميل
بوست جميل جدا وعاميه جميله وصلت للقلب بسرعه وأنا من عشاق هذا اللون من الشعر دائما فى تألق وابداع جميل منك
خالص تحياتى
سلسبيل
ازيك الاول
لو فاضل على الحلم زقه
او تكه
او اى حاجه صغيره
هكون سعيده طبعا
بس دا تفاؤل
دمتى بخير
تمام اوي ;)
وانتي خايفه عليها جايز
والالم ف الحب جايز
واللي عايز
يشتري يرمي البياض
والمراد
مالهوش محطه
ماتقوليش القطر عدي
اللـــه
انا ماقدرتش أعلق على البوست
قبل مااقرا بقية الكتابات
بجد انتي بتكتبي حلو فعلا
ماشاء الله
منتظرة جديدك
تحيـــــاتي
جمييلة زي حلم شجِن جميل كان نفسي فيه ومجاش
:)
بس الحمدلله
لقيته هنا
:)
تسلم حروفك وقصايدك يا فنانة
نفسي اشوف بعد 5 سنين هتكتبي ايه ؟؟
وعجبي..
شكرا علي رايك وزيارتك..واعذر من الكل علي تاخري ف الرد..الكليه مش مخلياني عارفه اتنفس :)
Post a Comment