بمتحن..ومش فاضيه ادخل خالص للاسف
ومزاجي وحش.وماليش نفس اعمل ايه حاجه.
علشان اللي بيحصل ف غزة وفلسطين بوجه عام
اول مره اعرف ان العالم بالغباء ده
عالم غبي غبي غبي
عالم غبي غبي غبي
وظالم
بجد بجد نفسي مسدودة من كل حاجه
طعم الموت حسيته كل لحظة بشوف اطفالنا بيموتو بدون رحمة وريحة الموت شاماها وانا من عندي
حرام كده
والله حرام
ناس كل جريمتها انهم عايزين يحرروا ارضهم
يقوم العالم كله يتفق عليهم كده
حسبي الله ونعم الوكيل
للاسف الشعوب اضعف من انها تواجه حكامها
مش قادره افهم ايه سر ضعفها كده
عذرا غزة.
اصبحنا لا نملك الا الدعاء
8 comments:
انا زيك بامتحن ومزاجي زفت ومش مذاكرة وجدتي ماتت
اول يوم امتحانات وسنه منيله من اولها
الشد على الله
يارب يوفقك ويوفقني
لا وانتي الصادقه دول ناس كل ذنبهم انهم فلسطنين
هي دي جريمتهم
والله مش لوحدك الواحد اصابه حاله اكتئاب من كل ناحيه
للأسف جريمتهم انهم لسه عايشين مش انهم عايزين يحرروا ارضهم ..
و اتمنى اننا يوم يكون في ايدينا شئ غير الدعاء ..
قلتيها بنفسك .. مالناش إلا الدعاء !!!
خلينا في امتحاناتنا .. ومتنسيش بالنية هتكون دراستنا جهاد في سبيل الله رغم كل الظرووووف !!
:) وتفاءلي الوضع مش مستنر
خلصي الإمتحانات على خير إن شاء الله
و هاقولك بجد على حاجة نعملها نقدر نساعد بيها بطريقة جميلة
بس ربنا يكرمك كده و ترجعلينا يا مانو
بالفعل كل اللي حصل في غزة ده أثر على الناس اللي بتحس طبعا تأثير سلبي جداً و خصوصا لانهم مش قادريين يعملوا حاجة علشان كدا كان الدعاء هو سلاحنا و المساعدات بأي وسيلة ممكنة علشان نحس ان احنا عملنا حاجة بالرغم من احساسي بردو ان مهما عملنا ده ولا شيء
يعني ايه قيمة المساعدات باشكالها مقابل ناس فقدت كل شيء غالي عندهم من الاهل و الارض و الكرامة الموت افضل للناس دول من حاجات قد نعتقد احنا انها ممكن تعوضهم عن ما فقدوه .. علشان كدا مش حس فعلا بالمساعدة الا لما نمحي حاجة اسمها اسرائيل و نخلصهم من الابتلاء ده اللي هوا اصبح السبب في وجودنا هنا في الحياة ديه
عموما بالتوفيق ان شاء الله في امتحانتك بل بالعكس خلي المشكلة ديه دافع ليكي علشان لما تتاح ليكي الفرصة في يوم انك تساندي و تساعدي بعلمك تكوني مؤهلة بالفعل لكدا
و مش تنسي تتطمنينا على اخبار امتحاناتك .. و ربنا يوفقك بأذن الله .. تحياتي و اسف على قلة زياراتي لكن بتابع من حين لأخر
سلام
تي ووتر
البقاء لله ياحبيبتي ولو اني عارفه انها متاخره
ويارب تكوني عملتي كويس ف امتحاناتك وتطمنيني عليكي
عاشقه وغلبانه
انا متفقه معاكي ولو اني شايفه اننا ممكن نوسع المجال شويه بتاع الجمله ونقول ان ذنبهم انهم مسلمين
حاسوباتيه
عندك حق..انا مريت باكتئاب فظيع من اللي كنت بشوفه كل يوم
شئ يزعل بجد
الواحد لايملك الا الدعاء
عشان كده اوصيكو ياجماعه مانقصرش ف دا كمان
علاء
اتمني انا كمان كده..بس اعتقد ان لسه بدري طالما فينا ناس نسيوا رسالتهم ف الدنيا واهتمو بالقشور
فيروز
انا متفاءله والحمد لله واثقة ان نصر الله قرب
بجد اللي بنشوفه دلوقتي ايات ف الصبر والصمود
اسماااء
فكرتك عجبتني ويارب اقدر اساعدكو فيها
يمكن الناس ماتنساش الارض دي كانت بتعت مين واتسرقت ازاي من ايدينا واحنا ساكتين
شريف
سعيده بمتابعتك وفعلا انا بشوف ان المساعدات مهما كانت فهي مجرد وسيله لاستمرار الحياه علي الوضع الحالي مش اكتر ودا شئ بيئلمني جدا
ربنا يكون في عونهم
والحمد لله الامتحانات عدت علي خير
Post a Comment