Friday, July 20, 2007

خواطر مملة..لصيدلانية تحت التدريب ج5

))انا مش مسطول... انا مبرشِم((
ماكنتش فاهمه ايه سر تصرف ايمان وتحفزها لمهاجمه الراجل اياه لما دخل..هوه صراحه فعلا شكله كان مش مريح اطلاقا...كنت حاسه كانه خارج طازة من بلاعه مجاري..داغير نظراته التايهه وطريقة كلامه الغريبه
سمعته بيقول لها..كأنه بيحاول يكسبها
اصبري عليا بس اما اقوللك
فتحت بقها عشان ترد عليه في غل لكن استاذ احمد تدخل عشان يساله هوه عاوز ايه في نفاذ صبر
سالت ايمان علي جمب في براءه.. ايه الحكايه؟
قالتلي الراجل ده عاوز دوا من اللي موجود ف الجدول..من غير مايكون معاه روشته(للي مايعرفوش الجدول:عبارة عن مجموعه من الادويه اغلبها مهدئات ومسكنات قوية وخلافه وطبعا لا تصرف الا بروشته من عند دكتور او مستشفي واغلب اللي بيطلبوها من الصيدليه من غير روشته بيكونو عاوزين يعملو دماغ)
كملت كلامها وقالت..طبعا استاذ احمد رفض وقالله هات روشته من عند الدكتور..وقال ايه الباشا خرج شويه ورجع كاتب اسم الدوا علي حتة ورقة نتيجه وبيقولله جبتلك روشته اهو هههههههههههه
اهاااا دلوقتي فهمت
استني اما احكيلك عالانيل
هوه فيه اكتر من كده؟؟
الدوا اللي هوه عاوزه ده علبته شبه علبه دوا تاني بالظبط بس مش في الجدول الدوا التاني ده منظم لضربات القلب يعني مالوش علاقه بالدماغ ولا الكيف طبعا..صاحبنا بقي شافها محطوطه عالرف قال هيه دي اللي انا عاوزها..ورايح جاي علينا عاوزنا نديهاله وقلناله انها عشان القلب وماينفعش ياخدها..المشكله انه فاكرنا بنضحك عليه
التفت لما سمعت صوت استاذ علاء بيزعق للراجل..بعد مااستاذ احمد فشل في اقناعه.
.استاذ علاء:ياعم انت مابتفهمش دا دوا والتاني دوا مالوش علاقه بيه
الراجل..في اقتناع:لالا هوه ده الدوا اللي بمشي عليه انا عارفه كويس..دا حتي مسكن علشان انا ركبتي بتوجعني
دا مش مسكن ياسيدي دا منظم لضربات القلب
ايييييوة تمام تمام هوه اللي انت بتقوله ده ماهو انا بحتاج انظم ضربات قلبي لانها لما بتتلخبط بتضرب ف ضهري وتنزل علي ركبتي
نعم ياخويا؟
ايوة ايوة انت مش متصور انا دراعي واجعني ازاي
دراعك ولا ضهرك ولا ركبك
مانت مش واخد بالك..اصل..وسكت شويه..يااخينا..بص بس..هاتها والارزاق علي الله انا مستعد اخاطر
بقوللك ايه..مش حديك حاجه وشوفلك حته تانيه انا ماقدرش اتحمل مسئوليه انك يحصللك حاجه بسبب الدوا ده خاصه انه مش دا اللي انت عاوزه
طب جميل..كده احنا متفقين..بص ياحضرت..انا ماعنديش مشاكل..طالما كده هاتلي الدوا اللي انا عاوزه
ماينفعش من غير روشته
وكانه صاحب حق ومظلوم قال الراجل..الله مانا جبتلك روشته وانت اللي مش عاجبك اعمللك ايه يعني
انت بتستهبل..جايبلي ورقه نتيجه وبتقوللي الدكتور كاتبهالك...دا استاذ احمد اللي قال كده وهوه ناقص يضربه ف دماغه
.ماهو ..احم..كان مستعجل ودفتر الروشتتات عنده خلص وبعدين انت مالك..انت ليك انها مكتوبه..هوه انا بجيب حاجه شكك..انا فلوسي عالطرابيزة
انت فاكر نفسك بتشتري ارض..برضه لا
طب اقوللك هاتلي شريط ريفو
اللهم طولك ياروح...المرادي دي انا
..انا لايمان في همس..لا داواضح انه بيبرشم فعلا..عاوز اي حاجه ناقص يقول عاوز معجون سنان ..حيغير الصنف
طبعا ماكانش قدمنا غير اننا نديله معجون السنان...قصدي الريفو
ولحسن الحظ مشي بلا عودة
ايييوعاااا السريييييييييييع..كح كح كح ياقوي
لا دا مش صوت الراجل اياه
دا بس كان عم فتحي.. عم فتحي مين؟؟هوه انا ماتكلمتش عن عم فتحي قبل كده؟؟خالص؟؟ولا حتي لما دخل لنا مره وطلب مني اروح اجيبله كبايه شاي من القهوة اللي ف اخر الشارع؟؟؟ معلش معلش...امسحوها فيا المرادي
كنا فين؟؟.
.اه..لما دخل عم فتحي بقي.....
يتبع

18 comments:

الأباصيرى said...

يقطع الكيف وسنينة

أنا قولت لا الأدوية بتنفع ولا الحقن ومفيش أحسن من الشم

وأظن مفيش حاجة متوفرة فى السوق أكتر من الكلة
:)

مساء الخيييييييير

سلسبيل said...

اباصيري باشا
عاش من شافك يافندم..حمدالله عالسلامة
انا برضه شايفه ان الكله هيه الحل الامثل
وعلي راي محمد سعد لما اتكلم عن التشرد الاطفالي..لما العيال مش بيلاقو كله بيشموا رجلين اخواتهم وهما نايمين
ماهو لإما نوفرلهم الكله..لإما نوفرلهم حته ينامو فيها
مساء النووووووووور يازعيم

mariam said...

موتينى من الضحك
اسلوبك تحفه
لازم تتعودى على كده
لأنه ده هيبقى العادى بتاعك
بالتوفيق

mariam said...
This comment has been removed by the author.
كراكيب عادل said...

هو لسة فية عم فتحي كمان

انا قريت السابق كلة

بس الاخيرة دي احلي حاجة عجبتني

سلسبيل said...

مريم...الحمد لله اني قدرت اضحككو...امال بقي لو نزلتي الصيدليه معايا..حاتشوفي بلاوي تضحك اكتر بس انا بانسي اكتبها
انتي بتقوليلي حتعود..لا انا خلاص وصلت لحل
كل اللي بقي يسالني دلوقتي باقولله اني قررت افتح سايبر بلا صيدليه بلا وجع دماغ

david santos said...

الشكر لك العمل وعلى درجة جيدة في عطلة نهاية الاسبوع

مشروع انسان said...

يدعوكم موقع مدون خانه (تحت الانشاء)الى الاجتماع من اجل الاتفاق على الخطوات النهائيه لنشاء مجمع المدونين (مدون خانه)وذلك يوم السبت القادم الموافق 28 / 7 / 2007 وذلك الساعه 6 مساء يوم السبت فى مركز العربى للدرسات العنوان 23 شارع باهر زغلول من شارع المنيل

No Fear said...

السلام عليكم
مش ممكن
فظيييييييييييييييييعة

No Fear said...

السلام عليكم
بلاش مملة دي
مش مملة خالص بجد و الله

واحـــد مـــــن الـنـــاس said...

ممكن الواحد يجيلكو الصيديلة دي زيارة مرة كده
ييجي يشوف الحاجات الحلوة دي

والله انا بعيش اوي لما بشوف الحاجات دي

عمار يا مصر

D◎◎dy §okara said...

جامده يامى والله زى العسل بجد وابقى قوليلى عنوان الصيدليه عشان اشوفك اوك؟ههههههه وعان اشترى منك بدل اى صيدليه تانيه هههههه واتمنى ليكى التوفيق

LOJAIN said...

ازززززززززززيييييييييك يابت
وحشاااااااااااانى عاملة ايييييييييه

انتى فييييييين و اخبارك اييييييييه
يخرب عقلك قطة مرة واحدة
مش عارفة ان عندى حساسية منها


صحيح افتكرى يا هانم انك معزمتنيش عند العمدة بتاع الكشرى
اهى الايام جاية و مسيرى اطب عليكى فى الجامعة.. و انا هطلع احسن منك و اعزمك عند وصاية او مكس جريل بعد ما غير مكانه للمحل اللى جمبه ,, قال يعنى

صديلية ايه دى يا تحفة
قوليلى عليها و انا اجى اشترى منك مرهم ميبو
اصلى اتحرقت
اهىء اهىء اهىء
واهو انا اولى من القطة

Regards:
Lojain :)

انتظار مؤقت said...

اسلوبك تحفه اوي
تحياتي

•«ρяoιd»•™ said...

و انا اقول انا حاسس اني دايخ و انا داخل هنا ليه

هههههههههههههههه

رمضان كريم

تحياتي

Muhammed K. said...

اللى يعيش يامل يشوف وكل ما تعدى فى الصيدليه هتشوفى اكتر
انتى لسه ماشفتيش اللى هيدخلك وحافظ كل البدائل اللى ممكن يضربها هتلاقى انتى نفسك مش عارفاها

M.K.M.

سلسبيل said...

proid
لازم تبقي دايخ طول ماعمو المسطول ده موجود ف الصيدليه
الحمد لله راحت الصيدليه وراحت ايامها
ورجعت للكليه الارخم منها
منور يافندم
وعيد مبارك

سلسبيل said...

دكتور محمد
لاااا انا لحد كده ورايي اني شفت كفايه
هههههههههههه والمره الجايه لما انزل تدريب لازم ارخص سلاح الاول
تقبل تحياتي