Saturday, October 06, 2007

عودة...ربما

لا اعرف بعد هل انا مستعده للعودة ام لا
كل ماادركه الان انني في حاجه الي ذلك..بشده
ساحاول التاقلم من جديد مع بيتي القديم ربما استطيع ان احيا من جديد بين جدرانه الخضراء
لكنني تغيرت
شئ ما بداخلي لم ولن يعد كما كان...حتي ادراكي للامور اختلف كثيرا خلال الاشهر المنصرمة
لم اعتد بعد علي كياني الجديد..وربما لن افعل...هو ليس بالشئ السهل علي كل حال
ان تكون الحياة اكثر تعقيدا وتتحول انت نفسك الي لغز لا تستطيع فك شفراته..فقط لانك وجدت نفسك يوما ما ذلك الشئ
افتح احد الملفات في جهاز الكمبيوتر الخاص بي لاجد عشرات الخواطر والكتابات تنتظر ان اضعها في مكانها المناسب هنا او في مكان اخر
لكنني في كل مرة اقول ربما غدا... من الواضح ان غدا لم يات بعد
لكنني لم اسأم انتظاره
حقا اشعر انني افقد جزأ من تكويني بانقطاعي عن المكان..لكنه رغما عني لسبب اجهله
اجلس امام النت لساعات..اكتب اشياء..او احملق الي شاشه الكمبيوتر في بلاهه احسد عليها ثم ينتهي بي المطاف بالضغط علي زر الاغلاق ثم الايواء ...بمعني ادق..الهرب الي فراشي ككل ليله
متي ينتهي هذا الهراء ..لا ادري حقا...لكنني اشعر اننا مازلنا فقط في البداية..وكأنني اصبحت استمتع بفكرة اختفائي..واندثاري شيئا ف شيئا من ذاكرة الاخرين..علي الرغم من انني اشعر ان مايمحي من الوجود هو انا وليست مجرد صورة لي رسمت يوما في اذهان البعض........علي كلٍ
.ربما ستكون لي عودة اخري ان شاء الله

6 comments:

كراكيب عادل said...

كلام جميل كلام معقول مقدرش اقول حاجة عنة

:)

سلسبيل said...

اهلا بالكراكيب وصاحب الكراكيب
رمضان كريم يافندم
كنت عاوزة اقوللك ايدك عالعيديه كمان بس قلت لسه شويه علشان بالمره تبقي عيديه وكحك
:)

أبو ضحى said...

مريت بكل اللى انتى بتقولى عليه ده..و كانت ليا شعبية معقولة فى عالم التدوين فى السابق ، أدى اختفائى لفترة الى انخفاضها بشكل أزعجنى كثيرا و لا زلت أعانى منه حتى الان

الحمد لله أنا خرجت من الموود ده دلوقت

فى الأول محتاجة تقعدى مع نفسك و بس من غير أى حاجة تشتت انتباهك أو تشاركك فى نفسك..أقفلى الكمبيوتر و التليفزيون، أبعدى كتبك على جنب..ممكن تشغلى موسيقى سلو هتبقى مفيدة

متفكريش فى حاجة..سيبى نفسك و سيبى عقلك يقودك للى هو عاوزه
تلات مرات قبل الاكل..و بعده

طبعا أنا بهزر فى موضوع الجرعات ده..أصل انا صيدلى بردو

المهم بعد كده حاولى تعيدى قراية اى كتاب او روايه من المفضلين ليكى

عيشى فى الجو اللى انت بتحبيه


بعد كده لازم تنشطى شوية و ترجعى تعلقى عند الناس اصحابك و تشوفى مدونات جديدة و تعلقى على اللى يعجبك فيها

و المرحلة الأخيرة تكتبى حاجة جديدة بقه فى مدونتك و تستنى ردود الناس

-------

أتمنى تخرجى من الموود اللى انتى فيه قريب جدا

تحياتى

سلسبيل said...

الزميل العزيز ابو ضحي :)
معلش لو كنت اتاخرت ف الرد لاني كنت مسافرة علشان الكلية اللي مش عايزة تجيبها لبر معايا والحمد لله طقت ف دماغي ارجع النهارده...ورجعت الحمد لله الي ارض الوطن سالمة
كويس اني اخييييرا لقيت حد مر باللي مريت وبمر بيه
وجرب شعور المعانده مع النفس..لما تحس انك عاوز تكتب فكرة والكل يقراها وتقرأ لناس تانيه وتتفاعل معاهم بس حاجه جواك تلاقيها بتقوللك بكل غلاسه..لاااااااااء هه بقي ..الخطورة لو الحاله دي اتنقلت من عالم التدوين الي ارض الواقع....ولما تعيش حاله تقوقع غريبه مالهاش سبب
عموما اكيد حسمع بنصيحتك..وحكون اغلس بقي من نفسي وارجع اكتب تاني
منور المدونه جدا
كل سنه وانت طيب

يا مراكبي said...

فاكرة من كام شهر كنا تنبأنا ليكي بصورة مشابهة للي إنتي فيه ده .. بالذات لما تنزلي للحياة العملية وتبعدي عن حضن البيت وتشوفي الدنيا على حقيقتها

أعتقد إن هو ده السبب يا عزيزتي

سلسبيل said...

يامراكبي
كل سنه وانت طيب الاول مع انك طنشتني ف العيديه ههههههههههههه
وعلي فكرة انت وجهه نظرك صح تقريبا
لاني من النوع اللي لما بتصدم ف حاجه بهرب الاول..وبعدين افكر ازاي اواجهها
لكن عموما الحمد لله بدات اخرج شويه من طور الهروب
سعيدة بزيارتك