ولان عادة تاتي الرياح بما لا تشتهي السفن...
ولانك عشان تبقي طالب جامعي..خاصه ف جامعتنا الموقرة..وكليتنا المبجله...لازم تعرف ان كل اللي بناه سبارتكوس اللي عمل ثورة العبيد طار ف الهوا شاشي سعادتك
نرجع لموضوعنا اللي هوه ايه مش عارفه بس اكيد انا مكلفه نفسي وداخله كده بجلاله قدري عشان اتكلم ف موضوع ....
طيب عموما بما اني ناسيه..حاستغل الفرصه العظيمة دي..واشرب كبايه شاي..وارغي ف اي حاجه لحد مافتكر وافووووووق..لاني بنام
ششششششششششششششششششش.....بس بقي يافار...سامعه صوت فار بيخروش...يااما ف دماغي...يااما عالسقف
يااما دا مش فار اصلا...نهايته هوه بوست باين من اوله
كفايه ان انا بعد مامتحنت العقاقير النظري النهارده والمفروض اني كاي كائن بشري محترم كنت امتحن شفوي واخلص عشان اركز ف الماده اللي بعدها...لا ابدا ازااااااااااااااااااااااااااااااااااااي
لازم انزل بكره الساعه 9 الصبح عشان امتحن الشفوي...
والنتيجه اني راجعه مقتوله..وماذاكرتش..وركبت سرير 5 العصر ماصحيتش الا بعد العشا...
وحنام تانننننننننني عشان حصحي بدري امتحن نفس الماده اللي امتحنتها....جررررررررررررررررررررر
ايه ده..كبايه الشاي قربت تخلص اهه ..تفتكروا ممكن افوق؟؟
سامعه ناس بتقول...ياعم دي ماينفعش معاها شاي دي اصلا لو شربت فنيك ولا بياثر
وانا بوجه كلمة للناس دي وباقوللهم.......
. والله انتو ناس بتفهمو وعندكو حق
اكدب يعني؟؟
عموما يادوب اقوم احضر اللبس بتاع بكره..ماهو بكره شفوي..ورول نمبر وان...ان الانطباعات الاولي عند الدكتور او الدكتورة اللي بتمتحن جنابك لازم تبقي كويسه..مش تدخل وانت دايسك قطر قال يعني مذاكر وتاعب نفسك ومابصيتش ف المرايه من لبختك....ساعتها انت حر.....عارفة حتقوللي انك مذاكر والعبره مش بالحاجات دي...حقوللك زي محمد صبحي ف وجهه نظر......لا يابابا لا...لا ياماما لا...
اسكت بقي يابووووقي....عشان الضغط لما بيعلي ليله امتحان الشفوي بالذات مش كويس
...كبايه الشاي خلصت..وبدات احس ان مفعولها اشتغل واني عاوزة انام بشده
بالإذن انا بقي
ششششششششششششش بقاااااااااااااااااا الفار ده لو ماسكتش حبعتله قطة الجيران وهيه مابتعرفش تتفاهم
3 comments:
ما شاء الله
مجنون
اهلا بيك
biby cletus
thanx 4 visiting my blog&i'hope u've enjoyed reading it
and i'm looking 4ward 2 ur next visit
Post a Comment