عاوزة اكل كييف من مؤمن واحلي بفروت سالاد م الصياد والعشا من عند البغل واختم اليوم بنص كيلو ساليزون من البارون
واما اسافر القاهره الاسبوع الجاي عاوزة اتغدي عند كبابجي المصري..واكل كنافه من عم عطيه اللي واحده صحبتي وصتني اني مامشيش من القاهره الا لما اجرب البسبوسه بتاعته اللي بالمكسرات
اما اسكندريه فلما كنت فيها الاسبوع اللي فات رحت لبلبع ..دا غير اني عديت علي كلاسيك وقمت بالواجب بعد ماقالتلي نها صحبتي ان اللي ماكالش عن كلاسيك يبقي ماكالش حلويات
وبالتاكيد مافوتش جاتوة الشوكولا اللي كل مره باطلبه لما بنروح تريانون
حد فهم حاجه؟؟؟
بالظبط..السياحه الغذائيه واللي هيه مشكله عن تلاتربع الشعب المصري وهوه موضوع صراحه شاغلني من زمان لاني زي زي ناس كتير بعاني منه
مثلا واحد
راح يزور مكان لازم اول حاجه يعرفها عنه هوه معالمة الغذائيه
تلاقي اي واحد لما يقوللك علي بلد راحها يقوللك وفيها مكان حلو اوي كلت فيه كذا..اما لو عاوز تاكل كذا هتلاقيه ف مش عارف ايه
رابط كل حياته بالاكل..فرحه وحزنةو شغله ..خاصه ف مجتمع زي بتاع راس البر ده ..لما تيجي شركه عاوزة تاجر عشه..يعتبر واجب مقدس لازم مايمشوش من راس البر الا لما يتغدوا اكله سمك وعلي حساب صاحب العشه...ليه
سمعت ف اذاعه البي بي سي كان حوار عن الاهلي والاسماعيلي وواحد من مشجعي الاسماعيلي اتصلو وقالو باذن الله حانكسب الماتش وحانعزم الكل علي جمبري..حتي المذيع مافهمش لانه ماكانش مصري وسال ببراءه ايه علاقه الكورة بالجمبري؟؟
ليا واحده صحبتي اوي مابنتقابلش الا لما يدخل الاكل ف الموضوع..يعني اشوفها ونقعد نص ساعه..حناكل فين بقي ؟؟
او تتصل بيا..ايوة يامي تعالي دي ماما عاملالنا كذا وانا نفس الكلام اكلمها عشان ماما عملت الكبسه اللي بتحبها
بعد ده كله والله من ستر ربنا معايا اني مابيبانش عليا والا كنت حابقي ف مشكله كبيره وصحبتي برضه
لو احجامنا كانت علي قد طموحاتنا الغذائيه المرعبه دي
كنا بقينا بيبي ايليفانتس
ودايما كل واحده مننا مرعوبه لاييجي حظها وتتخطب ف يوم م الايام لواحد مش غاوي اكل..ودايما مسموم ونفسه مسدوده ومش فارقه معاه...لا بناقص اصله يبقي مقلب محترم وبعدين ماتجيش الا معانا احنا ههههههههههههه
بس اللي بجد محيرني
اني حقابلها يوم التلات ان شاء الله عشان نحتفل بنتيجتي..ومش عارفين خالص حانروح ناكل فين
.... بس حسيت ان واقف ف زوري سؤال يطرح نفسه وبقوة علي الساحه علي راي واحده صحبتنا
ودا من ايه ده؟؟؟؟
5 comments:
يا لهوي ايه كمية الاعلان عن المطاعم دي
بس انا كدة جعت
بصراحة فية ناس حريفة في الاكل انا هنا في الكويت مثلا بستمتع من اكلة
بشوف كل حاجة بتتعمل قدامي من تقطيع اللحمة من الدبيحة وفرمها وشويها والعيش الايراني في الفرن في نفس المكان مع لبن فية نعناع بس بجد اهم حاجة في المطاعم النظافة هي الي بتفتح النفس وانا لازم اشوف مكان التحضير علشان اطمئن
طيب دلوقتي ينفع كده هنفضل نتكلم عن الاكل عموما شكرا علي البسبوسة
اولا الكراكيب وصاحب الكراكيب منورين البلوج
انا اللي جوعتك كده؟؟ انت اللي حاتخليني انام واحلم بالعيش الايراني واللبن الي فيه نعناع
وبالنسبه لحكايه النضافه فكرتني بماما..احنا مسمينا وزيره الصحه اصلا مابتاكلناش من حته الا لما تعمل تفتيش مفاجئ علي المكان الاول وتطمن ان اللي اكلو فيه قعدو ماعندهمش مشاكل هضم او تنفس او سمع او مشي خلال شهر من الاكل عنده ههههههههههه
بس اهم حاجه
ان البسبوسه تكون عجبتك...
يلا انزل بالجاتوه ياجابر
بصي في مرة سافرنا امريكا وكانت ايام سودا في الاكل وخاصه الزفت دي واشنطن اكلها زفت خالص طبعا انا كنت عايش علي وجبة الافطار بس جبنة عسل بيض اكل اكل في الفطار والغدا ابعد علشان اللحوم انا خايف من الخنازير وكمان من طريقة الدبح ساعتها كنت ممكن ادفع اي مبلغ واكل في مطعم من مطاعمنا حتي لو فلافل الاكل دة في غاية الاهمية مش علشان طفاسة لا بس بجد الاكلة الجميلة بتدخل الدماغ
بعدها روحنا فلوريدا وهناك كان الموضوع تمام الجماعة المكسيكين دول هايلين اكلات بحرية تجنن
انا حريف في عمل بعض الاكلات علي مزاجي هبقي اديلك طريقة وتتهدي بدل اللف علي المطاعم هههههههههههه
ههههههههههه ياريت بس انا ماباعرفش اطبخ..كبيري اعمل رز وماحدش بيرضي يغامر وياكله والاقي الكل فجاه نادي باهميه العيش وفايدته الغذائيه واضرار الرز ومخاطره...تفتكر ليه اصلي مش عارفه؟
عموما البركه ف ماما بقي...انت بس ايدك علي الطريقة يمكن ربنا يتوب عليا م الفاست فود D:
حاضر بس ضيفيني عندك وانا اديلك احلي طريقه
بدل مراسلات الحروب دي
adel29@hotmail.com
Post a Comment