ف الحياة..بنقابل ناس..ماهو لازم نقابل ناس ضروري مش حانقابل عفاريت يعني
مش دا الجديد اللي عاوزة اقوله طبعا..دا حايبقي ف حلقة رعب خاصه مش ناويه انشرها دلوقتي
المهم نرجع لموضوعنا
بنقابل ناس...تكرهنا ف الناس..وناس تحببنا ف الناس..وناس خساره يبقو ناس اصلا
وبما اني تخصصت ف مقابله النوع الاول والاخير...كنوع من القضاء والقدر الذي لا مفر منه
لدرجه اني بدات اعتبر النوع التاني ..نوع من الكائنات اللي اوشكت عن الانقراض ومحتاجه لتدخل عاجل لبناء محميات طبيعيه تقيها شر الوحوش بالخارج..او شر التحول الي وحوش عن طريق العدوي
ماعلينا المهم اني حبيت اتكلم عنها عن بعض انواع الناس اللي بنشوفهم ف حياتنا...واللي منهم الطيب والشرير والقبيح..لا مش قصدي عالفيلم بتاع كلينت ايستوود اكيد
وناويه انزلهم علي شكل مقتطفات من كل شخصيه منهم ...حاتشوفو ساعات حاجات تضحك
وساعات حاجات تخلي الدمعه تفرفر من عينيكم..وساعات حاجات تحرق الدم...ماهو انا مش حايتحرق دمي لوحدي واسكت..دا حتي مش كويس خالص عليا
يتبع....
2 comments:
ربنا يستر
انا خايف اني ارتعد خوفا
خايف اكون من النوع الاخير
عموما تعالي انتي بئي شوفيلي الحمار الوحشي مع مين
أة عندك حق
لازم يتحرق دمنا معاكى
:)
بقالى بتاع أسبوع مستنى أول صفحة فى دليل المحتاس ولما نزلتى بوست جديد لقيتك طنشتى العالم المحتاسة اللى مستنيينك
بلاش خم ونزلى الدليل يادكتورة
Post a Comment