نتيجتي طلعت...الحمد لله
جبت كام؟؟ 83% نمشيها امتياز عشان خاطري
مره من نفسي يابشر
اصلا ماتخيلتش انها حاتبقي كده
انا كنت متوقعه ان كبيري جيد جدا عالحركرك زي السنه اللي فاتت
اللي يدايق ف الموضوع ان صحبتي الانتيم شايله بتاع 4 مواد
وباقي اصحابي القريبين مني شايلين ماده ولا اتنين..حاجه تزعل والله ..ربنا يعينهم الترم التاني
حتجنن واعرف بس باقي العيال عملو ايه بس انا ف مالطه قصدي ف راس البر ولا عارفه اجيب كرت نتيجه وخايفه اتصل بحد منهم الاقيه فتح ماسورة العياط وانا قلبي ضعيف
يلا اما ابقي انزل المنظورة يوم الاتنين ان شاء الله..ابقي اعرف لما النتيجه تتعلق بقي واشبع فضولي
اه ياني ..وانا اللي من اول الترم مش عاوزة اذاكر عشان قلقانه م النتيجه وعاوزة اعرف راسي من رجلي..اهي طلعت..ووقعتي بيضا لان ماما بتقولي ..مسئوليتك كبرت..ليه انا بحارب ياماما ..انا بحب الحاجات دي تيجي بعفويه من غير مانرتبلها..سيبيها للظروف ياخوفي م الظروف يابدرااااااااااااان
No comments:
Post a Comment