Sunday, April 27, 2008

شوية حاجات ...وسط الامتحانات

مبدئيا كده الحمد لله ..
خلصت امبارح امتحان عملي والنهارده
امتحانين ورا بعض وراجعه منهم مقتوله
بس المهم انهم عدو علي خير ..لسه فاضل واحد بس
ان شاء الله ربنا يسهل
---------------
كلمة ف السريع
عم الحج اللي واقف هناك .. 708 ف ف الكشف..ييييه كشف ايه بس يا مي ..معلش تهييسات قله النوم بقي
..تمااام.. ايوة انت
تصدق اني اسقطتك من حساباتي مع الباقيين والله من اول يوم..حطيتك ع الرف مع كل الصور المحروقة التانيه
بس نصيحة لوجه الله
ملهاش لازمة التصرفات الصبيانيه البايخه دي....مع انها بتضحكني ههههههههه بس والله
عيب عليك ...انا صحيح قلت كام مره اني مقدراك ..بس ماكانش معني كلامي اني مستعدة اسمح باي تصرف سخيف منك ومنهم...
ياخسارة
كنت فاكراك اكبر من كده
انتهي البيان
:D
--------
عندي اجازة يوم واحد بس
ياتري اعمل ايه ف اليوم ده بحيث اني ارجع مستعده للدراسه وفريش
ف بالي حاجات كتير
عايزة اخد العربيه واخرج انا و اختي وصاحباتها
واقابل صحباتي
واكتب قصيدة
والعب مع ميشو...اللي لسه محدش هنا عارف هو مين
وانزل اشتري صندل وشنطة
واساعدهم ف الباربكيو اللي هيعملو بكره ده
خلاص
كده عرفت هبتدي بايه بالظبط
!!!!هنام طول اليوم قدام التليفزيون
------
انا بقول كفايه نت بقي عشان عايزة انام بعد امتحانين النهارده
الحمد لله اني ماشربتش الكالتشر بتاعت المايكرو كان هيبقي موت وخراب امتحان
حد يفكرني اشحن موبايلي عشان ماعنديش رصيد
وبعد ماشحنه اقفله
غلاسه يعني
اما اقوم اصلي وانا فيا شويه مخ
احسن مافصل ف نص الصلا
تصبحو علي خيييير
وبما اننا بعد الفجر
يبقي
صباح الخير بقي

2 comments:

دكتور مستكنيص said...

انا طبعا هعمل مؤدب هلتزم بالقوانين وهجاوب بالكومنت بنفس طريقة كتابة البوست ...بصي بقي
أول هام حمدالله علي سلامتك من العملي اللي عارف انه اصعب من النظري في صيدلة وربنا يعينك يارب علي النظري والباقي
..........
تاني هام انا لو منك تخلي الكابتن ده يقري البوست وهو ممكن يتحرق بالتحلل الذاتي الهيدروليكي اللي هو ايه معرفش بس يعني حاولي توصليله مادام هو مش حسيس وفاهم من نفسه
..........
تالت هام مش هعلق عليه غلاسة او لاني معرفش صحابك ولا عربيتك ولا الشنطة ولا الصندل
...........
رابع هام سلميلي علي ميشو ولو محتاجة رصيد احولك رصيد بس لو كنتي فودافون فانا موبينيل ولو انتي موبينيل انا فودافون هههههههههه اقولك حوليلي الاول وانا اردهملك
...........
الهام الاخير والاهم انتي شكلك بت دماغ وحاسس فيكي بكوكتيل شقاوة علي جنون لزيز فتحياتي جدا لاني من اكتر الحاجات اللي بكرهها نموزج البت المتمسكنة اللي ماشية تحت الحيط ونموزج البت المسهوكة اللي عاوزة اي حد يسبلها عينيه ثانيتين عشان تقوله بحبك
عموما انتي لزيزة وربنا معاكي في اللي جاي
تحياتي اوي يادوك

la3lahakhier said...

ازيك يا سلسبيل
خلصتى الحمد لله
على خير يا ستى ان شاء الله
كل التحية