23 مايو..
وسط الحر وورق الامتحانات اللي بقي مرتبط عندي خلاص بيوم مهم ف حياتي هو يوم مافتحت عيني لاقيتني ف الدنيا
.
اكتشفت امبارح وانا باطفي الشمع فجاه لاول مره اني بقي عندي 20 سنه...وكاني قبل مالساعه تدق 12 كنت لسه بنت بضافير وعيون واسعه نفسها تحضن العالم اللي اوسع منها..حلمت مره انها تكبر وتكبر وتكبر..وفجاه..حست انها من جوه لسه زي ماهي طفله...بس الدنيا كلها مش عايزة تعترف بده..الدنيا كلها رمت تجاربها وخنقتها وحمولها البسيطة يمكن لكن الكفيله بانها تحس انها كبرت اوي مع انها لسه صغيره
لاول مره تعرف ان اغبي امنيه اتمنتها هي انها يبقي عندها 20 سنه زي البنات الحلوين اللي كانت بتشوفهم زمان ونفسها تطول زيهم وتلبس زيهم وتتكلم زيهم...يمكن لو ماكانتش اتمنت ده اصلا..كان حيحصل برضه غصبن عنها ..بس هي حاسه بصورة او باخري انها
السبب...آآآه لو ماكانتش استعجلت...وكانها هي اللي سايقه قطر العمر يعني ههههههههه..مش قلتلكو عيله
ايه لازمت التخاريف اللي فوق دي ماليش دعوة..انا بس ماحبيتش يعدي اليوم ده والبلوج فاضي...هو صحيح بينش خلقه..ونفسي اعلق علي كومينتات كتير وارد ف حتت كتير بسبب امتحاناتي اللي مش مخلياني فاضيه اهرش وبسبب الكمبيوتر بتاعي اللي مكسله اوصله بالكهربا..آه والله..وسالفه الكمبيوتر بتاع اختي...غلاسه مركبه يعني هههههههههههههه
انا مانمتش بقالي بتاع يوم ونص..وشامة ريحه شياط يااما من مخي ودا الاحتمال الارجح يااما ماما نسيت حله المحشي
اللي غالبا شاطت لاني حاسه انها محطوطة فوق دماغي..اييييييييييييييه خير خير يامي..ماتبقيش بسكوته كده..يلا خلي اليومين دول يعدو علي خير بقي احسن زهقت ومش قادره اذاكر وانا شايفه البحر قصادي كده اعصابي باظت
دعواااااتكم
4 comments:
اهي ايام وبتقضيها
بكرة تقولي ولا يوم من ايامها
كل سنة وانتي طيبة
ههههه
كل سنه وانتى طيبة
ومش عارف اقولك ايه الحقيقة فى موضوع الشياط بتاع المخ دا
غير انى اقول
"اللــه يعيــــنك"
:)
احمد سمير
وانت طيب
انا عارفه ان الايام دي حتوحشني بعد كده
بس اللي انا واثقه منه انها دلوقتي مش واحشاني هههههههه
معاذ
وانت طيب ومبروك التخرج ياسيدي
ولو انها متاخره
و حياة سكومونص ابني اللي لسا ماجاش عشان انتي فاهمة ان ابوه اصلا مش راضي يجي طبعا ..
شوفي وحياة سكومونص ورحمة ابوه
ماكنت اعرف انك عاملة موضوع هنا عن عيد ميلادك يا قمر
..
مع انها جاية متأخرة حوالي شهر وشوية
بس حبيت اقولك يارب سنينك كلها فرحة
ونتيجة السنادي تطلع حلوة على وشي يارب كده ..
وكمان الأهم بقى
يابنتي انك تلاقي اغنية اسمها امبارح كان عمري عشرين ممكن اعرف انا اقول ايه
احم احم
يلا العمر مالوش كبير يابنوتة ..
و حمد الله بسلامتك من الامتحانات وكفارة طالما جيت متأخر بقى اقول كل اللي ف نفسي ..
:))
Post a Comment