رمضان جه تاني
وكأنه كان لسه هنا امبارح
الايام بتعدي بسرعه اوي ودي حاجه تخوف بس مش مهم طالما بتيجي وف ايدها رمضان بصيامه وقيام لياليه ولمتنا علي سفرة واحدة واغنية عبد المطلب اللي جايه من مكان ما بالليل بتدي احساس رائع
مبنحسوش الا مرة ف السنه
رمضان ..يعني الصبر يعني اللهم اني صائم يعني نسامح
ونصفي نفوسنا من اي زعل تجاه حد
ونطلب من اي حد انه يسامحنا لو كنا اسأنا له ف يوم
رمضان يعني الخير والبركة والعطاء والود
يعني دعوة إن شاء الله مستجابه
وشهر بنتغير فيه للاحسن وبنحاول نفضل كده باقي السنه
رمضان يعني.......
كل عام وانتم بالف خير
6 comments:
أنا رمضان بقى مرتبط معايا بذكريات كتير حلوة
منها ذكرياتي معاكي انتي و مروة ..
بقى رمضان يعني لمتنا ..
و يعني افطر مع اصحابي يومين بره ..
و يعني اشوف كل المعارف في صلاة التروايح ..
ويعني اكلم كل الناس اول رمضان .. ناس بافضل بالشهور مااعرفش عنهم حاجة ..
بس هو في جزء من رمضان مش راضي يرجع وكان من أهم حاجات رمضان معايا ..
هابقى أقولك ايه هو ..
كل سنة وانتي طيبة يابنوتة يا جميلة
بجد يا مانو ربنا يكرمك
أكتر حاجة بحبها فكي انك بريئة اووووي
هاتي فانوسك بقى العب بيه عشان البوقين الحلوين اللي أنا قلتهم دول
!!!
يااااااااه يااسماء
هي دي حاجه تتنسي
انا وانتي ومروة الثلاثي المرح ههههههههههه
ايام جميله والله ربنا مايحرمنا منها
بس محتاجينها السنادي جداااا لعلمك
وبالرغم من انك بتقولي اني بريئة..يمكن انا مش متفقه معاكي وشايفة برائتي دي حادفه علي هبل شويه بس وماله هههههههه
ويلا عشان البقين الحلوين بتتوعك خدي فانوسي موووش خساره فيكي
كل سنه وانتي طيبه ياجميل يامنورالي بوستاتي
كل عام ورمضان كما تتمنين
كل رمضان وانتي بخير وصحة وسعادة
وزكريات اجمل واحلى
مديح
وانت بخير
ورمضان كريم
المدونة بتاعتك حلة كتيييير يا سلسبيل ادامها الله
Post a Comment