حد جرب قبل كده يمسك مفك ويفضل يلف ف مسمار ...يلف يلف يلف
..قلتلي المسمار بيحصلله ايه...اييوة هيه دي..بيهرش
وساعت برضه الموتور لما يفضل يلف عالفاضي....ويفوت.
..انا حاسه اني يااما مسمار او موتور
...ولا بيهمني...حاخرج واتكلم واضحك واقول اللي ف نفسي
بس اهم حاجه ايييييه..محدش ياخد علي كلامي
البني ادم ده كائن عجيب اوي...مايملاش عينه الا التراب..وربنا خالقله كل حاجه حلوة ياكلها..يقوم هوه يخليها مقرفه عشان يرضي بيها..
.بياكل فسيخ يعععععع..مع اني بحب الفسيخ بس دا مايمنعش اني بقرف منه عادي بتحصل وماله
بياكل مش يعععععععع...برضه بحبه بس لما بافكر ف الميكانيزم بتاعت عمايله بقرف..خاصه بعد مااكلت مش مره ووكانو بيضحكو معايا ويقولولي انه اسمه مش المعاهدة ولما سالت عن معني الكلمه عرفت ان..يقال انه كان من ايام معاهده 38 باين وكفايه عشان لما بافتكر السيره معدتي بتقلب
بياكل كوارع..يععععع...بحبها والله
وممبار ..يعععععععع بحبه جدا علي فكرة
..بس مع احترامي لكل الاكلات المحترمه اوي دي..بس دا مايمنعش انها مقرفه فعلا..طب ليه بتعمل كده ف روحك يابني ياحبيبي
وعلي ذكر الاكل
انا مش عارفه اكل ايه النهاره عالغدا...بفكر اقضيها فاست فود..بس ماباحبش اكل لوحدي برهالاكل بره ده محتاج شله مكونه عالاقل من اربع خمس افراد وانا ولله الحمد..بطولي
مابدهاش بقي...اسخنلي اي حاجه ..وابلع اي حاجه..لاني عارفه ان اي حاجه مالهاش اي طعم
وختاما علي راي عمنا اللمبي....ايييييييييييييه ولا حاجة
7 comments:
هيا دى الحريه بتاعت بلدنا سايبنا ناكل الى احنا عايزينه....... عمار يا مصر
ايه ياسلسبيل ده
لا اقفي لحد كده
البوست اللي فاتت كوم وده كوم
بتحبي الفسيخ يععععععععع
بتحبي الممبار يعععععععع
يادي القرف
لحظه معلش
يعووووو يعييييييي يعاااااااا يع يع يع
نرجع تاني لكلامنا
وتقولي فضفضات بنت عاقله
هو فيه عاقل ياكل الفسيخ المحفوظ جوا بلاعات الصرف الصحي ده
ده الشعب المصري لو طلع يوم اكل الفسيخ ده علي اسرائيل
ومنغير اسلحه
الاسرائليين هيسيبوا البلد كلها ويقولوا حلال عليكم :)
يلا عدت علي خير
خالد
ههههههههههههه دا رايي برضه
صحيح هيه حريه متوقفه علي نوعيه الاكل مش اكتر..وياريت فيه اكل اصلا
بس مايضرش
احسن من غيرها
نورت البوست ..وبالهنا والشفا
3lool
ايه بس انت اتخضيت ولا ايه
ماله الفسيخ ده جميل ههههههههههههه
والممبار ولا اروع
والله انت محبكها
انت بس انوي وانا اعرف مين يدلك علي مسمط تحفه ..حايبسطك يعني ههههههههه
وبعدين مانت قلت بنفسك..الفسيخ ده يعتبر ثروة قوميه لو استغليناها ممكن نقضي علي اسرائيل..
دا غير اننا ممكن نورده لافغانستان والعراق وفلسطين....بجد جميل عمرهم ماحاينسوه
....سيبني افكر بقي ف الموضوع ده عشان دخل دماغي
واحد صاحبي كويتي بيقول علي الفسيخ
سمك خايس هههههههههه
يعني سمك معفن
بالهنا والشفا
انا بكرة ريحتة جدااااا
كراكيب عادل
حد قاللك اني لا سمح الله ماباعرفش اعدل دماغي كل يوم قبل مانزل الكليه الا بفسيخه افضل اشم فيها هههههههههههه
....انا كمان ماباطيقش ريحته بس اييه؟؟ باكله برضه
عموما انطلاقا من اساس مهنتي اللي بتهدف الي خدمه الانسانيه المعذبه انا ححاول اخترع دوا يشيل اثار الفسيخ ف ثواني..طبعا غير ميه النار
منور ياباشا
صحيح الممبار مقرف وخصوصا لما تقعدي مع نفسك كده وتفكري هوا كان ايه في الاصل
وصحيح الفسيخ مقرف وشبه القرد الاسباني خصوصا لما تعرفي انه سمك بايظ واحنا كمان اللي مبوظينه ..يعني مش سايبينه بايظ لوحده
والكوارع مقرفة برضه وخصوصا لما تعرفي ان البقرة او الجاموسة او الحمار ((على حسب الجزار بقا ))
لما تعرفي انهم كانو بيمشو على ايه بالكوارع دي اللي بنتهبب وناكلها
وصحيح الفشة والكرشة برضه مقرفين قرفق من النوع الفائق اوي خصوصا لما تعرفي دول كان اصلهم ايه
وصحيح القراميط اللي هيا عبارة عن سلاسلة من القطط اللي اتجوزو سمك وخلفو القراميط دي
هيا برضه مقرفقةو بالبلا
بس برضه ده لا يمنع ان الاهلي كان مفروض يتعادل مع برشلونة برضه
Post a Comment