حروف اسمك
علي الكراسة
تشبهلك
..وحرفين جمبهم
." إسمِي"
.وبينهم قلب متبسم
عيونك....لما بتعدي
وتلمح..ف الورق رَسمِي
بتفتح عالعَلَن قلبك
ومن قبلك
.تجيني وهيه بتسلم
سكوتك بس دلوقتي
سمعته ونفسي اوَصّلّك
صدا ردي
خلاص يا عيوني ابتسمي
مدام معرفتش اتكلم
حاجة فكرتني بحاجة فكرتني بحاجة تالته..قلت مابدهاش امااكتب..طلع الكلام الغريب ده..بس ..
دي الحكاية
3 comments:
جميل انك تطلعي اللي جواكي علي الورق كده في الحال
جميل انك بتعرفي تنظمي وقتك بين دراستك وبين انك تدخلي علي النت تكتبي خربشاتك ولا انتي من اللي بينفضوا للكليه :)
وطبعا انا معاكي في تعليقك علي عمرو خالد مهو اصل اللي بيحارب ضد المسلمين دلوقتي مش بيحارب بصواريخ ومسدسات ولكن بيحارب بالتفاهات اللي بيغرقونا بيها
ربنا هو الحافظ
في انتظار جديدك ياسلسبيل يانشيطه :)
3lool
منورني كالعادة بتعليقاتك المميزة
هههههههههههه علي فكرة انا والله مابانفض للكلية..دانا مطحونة طول الاسبوع..بس ساعات بحب الاقي متنفس من وقت للتاني عشان ماتعقدش:)) ..دعواتك بقي عشان الامتحانات شغاله علي ودنه
واتمني اني ماتحرمش من اطلالتك علي المدونة من وقت للتاني
الله جميلة قوي
:)
منتهى الرقة
و الصدق
الى الامام
Post a Comment