لما التفت عشان تندهلي..ماكنتش واخده بالي
واما التفت عشان اندهلك..ماكنتش واخد بالك
واما التفتنا احنا الاتنين...حنفي الونش عدي بينا
تصدق ...نسيت..و ماباقيتش خلاص عاوزة حاجة..روح بقي مكان ماجيت
--------
طول عمري نفسي اركب حصان
..واجري اجري اجري اجري اجر.........طخ
وقعتي من عالكنبة تاني ؟؟
--------------
علموني وانا صغيرة ان الكدب
غلط..والغش
غلط..والظلم
غلط....
..بس نسيو يعلموني ان من الغلط ..اني افتكر كل الناس حفظو الدرس زيي
--------------
شعور جميل جدا..لما تبقي منتظر زياره من شخص بتحبه
وشعور عبيط اوي برضه لما تبقي منتظر زياره من شخص بتحبه ...بس ببساطة ماقلتلوش عنوانك
-------------
افتح الشباك ولا اقفل الشباك؟؟؟؟
سؤال ظل يراود الفنان الراحل الجميل محمد رضا ف احد افلامة مش فاكره اسمه للاسف بس كانت عاجباني حيرته اوي...
تسمحلي اسألك
افتح الشباك ولا امسمر الشباك؟؟؟
كفايه كده عشان بدات اشم ريحه شياط وعاوزة اعرف جايه منين
5 comments:
اقفلي الشباك وافتحي الباب علشان اتسلل منة واجي افوقك من خيالك الواسع دة
بس تعرفي جميل انك حنفي الونش دة
والدرس الي مش بيتفهم من غالبية البشر وتكوني انتي شاذة بينهم
اما الزيارة من حد ميعرفش عنوانك دي تستاهل قرصة جامدة بجد علشان تفوقي وجردل مية صاقع
جميل موضوع حنفي الونش * غلطة مطبعية
لا تصدق..شكلي حقفل الباب والشباك والبلكونه وماليش دعوة مادام فينا من جرادل ميه ساقعه ههههههههههه
بس والله بالرغم من الشعور الطاغي من العبط..لكن برضه احساس جميل لما نستني حد مايعرفش عنوانا
خلاص خلاص من غير ضرب بلاش حكايه الزياره دي خلاص بناقص
زي ما انتي بتفكري تفتحي الشباك ولا تقفليه
ومنتظره زيارته بالرغم انك مش اعطيتي له العنوان
اكيد برده فيه حد فاتح الشباك علي اخره ومنتظر انك تروحي تزوريه
انا المره اللي فتحت الشباك فيها راح واحد داخل بسرعه جوا مش بس كده لكنه قفل الشباك وراه ههههههههههه
بوست لذيذ وانا شكلي حسدتك علشان قلتلك انك نشيطه في الكتابه قعدتي اسبوعين متكتبيش هههههه
3lool
هوه انا قررت اقفل الشباك لاسباب كتير اولهم ان جالي برد ويمكن دا سبب م الاسباب اللي خليتني ماادخلش الفتره اللي فاتت كح كح كح
ثانيا انت عارف الصيف دخل ومش حخلص صراصير تدخل وفران وانا بكرههم موت ..م الاخر كل حاجه مالهاش لازمة حاتدخل
ثالثا بقي اللي عاوزني يبقي يرنلي عالبوتاجاز وانا افتح الشباك..هههههههههههه حتقوللي ازاي حقوللك عادي ماهو مش معاه العنوان وحيعرف ييجي مايجراش حاجه لما يبقي مش معاه التليفون ويرن برضه عادي يصرف نفسه بقي هوه انا اللي حاخططله كمان ههههههههههه
.....
يلا ادعيلي فاضل الاسبوع ده بس ان شاء الله واخلص الامتحانات العملي اللي كابسه علي نفسي دي..وافضالكو بقي
ادعي جامد اوي
-----
شكرا علي ردك يافندم
Post a Comment