اجاااااااااااااااااااااااااااااااااااااااااااااااااااااااااااااااااااااازة
اخيرا.
بعد اكتر من شهر سهر وتعب وبهدلة..الحمد لله
يارب بس يطلع بفايده
:D
بجد حاسه ان الواحد مابقاش يصلح لاي حاجه
وان مخي كان بيتعصر ف الاخر من كتر المواد وضيق الوقت
مواد حجمها خرافي وقبلها يوم ونص او يومين
انا وزمايلي الاول كنا فاكرين ان الدكاتره اكيد هيجيبو امتحان سهل يتناسب مع الظروف البشعه اللي كنا فيها دي
لكن ميييين
هم تقريبا حبو يطبقو مبدا الانتخاب الطبيعي قبل مانتخرج..
او زي برنامج الحلقه الاضعف كده علي راي واحده صحبتني
اما المراقبين ف كانو عارفيني جدا
اصل انا الوحيده اللي بابقي باحل وانا بقول حسسسبي الله ونعم الوكيل حسسسبي الله ونعم الوكيل
وبفضل كده لحد مادخل الشفوي واول مانخرج م الشفوي لازم ننسي كل حاجه عن الماده اللي امتحناها لان بكل بساطه
بيبقي عندنا امتحان تاني بعد 48 ساعه وحبه صغيرين
واحنا مانمناش من يومين..والمفروض ف ال يومين دول ننام شويه عشان مانفصلش بس
ونرمي المعلومات بتاعت الماده اللي فاتت عشان عامله زحمة
ونبتدي نحشي معلومات الماده الجديده
بالله عليهم دا نظام تعليييييييييم
وقال اييييييييييه عاوزين يعتمدو الكليه
في المشمشششش
هانت ..لسالي ترم ان شاء الله واخلص منهم كلهم
زلطة واطلع بره هههههه
بس الكليه وصحباتي هيوحشوني اهئ اهئ اهئ
سيبنا من اي حاجه..بلوجر كان واحشني اكتر
فاصل قصير ونوااااصل
2 comments:
حمد الله علي السلامه
تعرفي مع أن تجربة الأمتحانات دي بتبقي تجربه رخمه بس هي الفتره الوحيده بالنسبه لي اللي كنت بحس فيها أني بعمل حاجه وكمان بتحصل في أيام الأمتحانات دي مواقف مستحيل تتنسي :))
ربنا يعدي ترمك الباقي علي خير
الشارد
الله يسلمك:)
عندك حق..بالرغم من صعوبتها فهي من اجمل ايام دراستي ف الكليه بصراحه..
اصل دايما الايام الصعبه مهما حسيتها متعبه ف الاول بس بعد كده بتشتاقلها وتشوفها حلوة اوي
دعواتك بقي النتيجه تبقي حلوة والترم الجاي كده يعدي بدون اي خسائر :D
Post a Comment