Tuesday, January 12, 2010

لعلُه خير..!!!



فيه حاجه بتحصل للواحد بيبقي حاسس انها وحشه اوي..وان فيه قوي خارجيه اتفقت علي انها تضره

وان كل الظروف ضده..وانه اتظلم وشويه الافلام الهندي الي لا بتودي ولا بتجيب دي..كلنا مجربينها وبنحس بيها ساعات

بس طبعا كل ده هبل

حاجات كتير بنتعرضلها بحكم اننا بني ادمين ونظرتنا للحياه اصلا ضيقه..بنحس انها اسوأ حاجه ف الدنيا

لكن بعد فتره ومع الوقت ..مش بس بنكتشف انها كانت ف صالحنا

لكن كمان ممكن نلاقي انها احسن حاجه كانت ممكن تحصل لينا..واننا لو كنا جبنا مهندس مكنش خططلنا حياتنا بالدقه والروعه دي..

كل يوم هتقابل او هتقابلي موقف يثبت كده

..ربنا راسملك حياتك علي اكمل مايكون..انت شخصيا لو كان قُدر ليك انك تختار حياتك مكنتش هتعرف تختار اجمل من كده

ماتجزعش من اي ازمة او عثرة ف طريقك

كل تعويره ف حياتك تساوي كنز..

مهما حصل..خليك دايما واثق....لعله خير

1 comment:

صدى الصمت - عاشقة الورد - said...

فعلاً عندك حق
فى حاجات كتير بتحصل وبنكون معترضين عليها وزعلانين قوى وتطلع فى الآخر خير وتكون سبب لشىء أجمل
تحياتى