اخر مهرب

اتعلمت الملم اسمك

من فوق ورقي

واخفيه جوا ادراج المكتب

وكل مافكر

اكتب احساسي المتخبي

برجع اشطّب

واكره حيرتي

..وغصبن عني مابيني وبيني

احبك اكتر

وانكر كل مشاعري قصادك

ولما بتيجي عنيا ف عينك

منهم بهرب

وابعد لما اشوفك جمبي

مانتاش جمبي

أصل وجودك _بالنسبالي_زي غيابك

نفس الجرح

ويمكن اصعب

حاجه جت ف بالي اكتبها لما قريت بوست عند الجميله تي ووتر

قلت مابدهاش بما اني ماكتبتش قصايد من فتره فرصه انزل حاجه جديده ف المدونه