شوفتك حبيت عنيك.
حسيتها حنينه
وكأني عرفتك انت.
.من قبل ماكون انا
ورق الكراريس مليته
..وحكيتله كتير عليك
شوقه بيتداري منك
دايب علي شط بحرك
..فوق موجه ملونه
صورتك ف القلب رسمة
..من غير ورقه وقلم
_عُمر ومفروش نغم
حدوته ومش هقولها..
علشان حدوتي انا
احساس جوايا ليك
مش سهل اني اوصفه
لو غني حد عنه
مش هيبطل غنا
عارف لما اتقابلنا.
.لما اتبسمت ليا
ردت بكسوف عنيا.
.كات اول مره ليا
اكون مطمنة
مع ان الناس كتير
اشمعني بحس بيك
طايره باحساسي ليك
.كلمة بتربطني بيك
معرفش حروفها لسه
!....مع اني مخمنه
مش عارفة..ساعات بنشوف ناس بنحس انهم ممكن يكونواالاشخاص المناسبين لينا..مع انهم مش كده وبنكون بنخدع نفسنا يمكن لان الظروف كلها وقتها بتبقي بتوجهنا لكده
او يمكن عشان محتاجين نتخلص من احساس الفراغ
وعلي كل حال بيفضل جزء جوانا مقتنع اننا غلط
لكن ساعات تانيه..بنشوف ناس برضه نحس ناحيتهم نفس الاحساس..مع اختلاف ان جوانا حاجه بجد بقي بتحسسنا اننا كده علي الموجه الصح ..حاجه كده زي الحاسه الساسه علي راي القرموطي
المشكله الوحيده بتبقي..هل هم علي نفس الموجه؟؟؟..غالبا الاجابه بتكون لا
والسؤال هنا..اشمعني...ومش هحط علامات استفهام عشان مش هتكفي المدونه لو حطيت
ايه علاقة دا باللي انا قلته فوق معرفش
بس اهم كلمتين وقفو ف زوري.. كتبتهم ف مدونتي.. حد شريكي بقي :D
2 comments:
بعد السلام عليكم
قصيدتك العامية جمييييلة جدا
احييكى على اتقانها
دايما فعلا بيبقى جوانا جزء مقتنع اننا غلط
المشكلة اننا دايما بنتعامى عنه ولا نلقى اهتماما له
ولو ظل يلح فى النداء .. ما نسمعوش
عارفة ايه السر اللى بيخلينا نتعامى عنه للدرجة دى ؟؟
السر
كلمة بتربطنا بيهم
ماتعرفيش حروفها لسه
مع انك مخمنة
تحياتى
وكل سنة وأنتى طيبة وأسرتك كلها بخير
وإلى الله أقرب
ابو صلاح
شكرا علي تعليقك وحقيقي مبسوطة ان القصيده عجبتك
معرفش ليه مابنسمعش الصوت اللي جوانا ده الا متأخر اوي
بعد مابيكون فقد معناه
حتي الكلمه اللي بتربطنا بيهم وقتها بتدوب مع باقي الاحاسيس الجميله
لاننا م البدايه كنا غلط
بس عارف
هتصدف مره ونبقي صح
المهم مانخافش
كل سنه وانت طيب وبخير :)
Post a Comment