اولا شكرا لكل اللي سألو عني وانا مش موجوده ايام امتحاناتي
وكل اللي استحملو رخامتي وانا مش موجوده برضه بعد الامتحانات باخد فتره نقاهه لابد منها
طبعا زي مانتو شايفين المكان بقي مترب ومحتاج عمليه توضيب..حد يفتح الشبابيك ياجماعه
وحد ياخد المراتب دي يحطها ف الشمس شويه
المقشة ورا الباب حاجيبها عشان اكنس ....وياريت لو حد عنده مروحه يتبرع بيها للمدونه لان الدنيا حر جدا زي مانتو عارفين والتكييف عطلان ونردهالكو ف الافراح جميعا ان شاء الله
6 comments:
اية الكسل دة كلة
اية الخمول دة
فينك الي يشوفك ايام الامتحانات يقول دي بعد ما تخلص هتغزو العالم
حمدالله على السلامه يا قمر
كراكيب عادل
دا مش كسل
دا بس صدمة من موجه الحر الغلسه اللي كنت عايشاها الفتره اللي فاتت مع اني ساكنه عالبلاج تقريبا بس الحمد لله اتكسرت..اياكش كانت تتكسر دماغها زي ماسيحت دماغي
اما بالنسبه لحكايه غزو العالم ف الحقيقه انا كنت عامله خطة علي ورقه من ورق المراجعه اغزو بيها العالم بس لميت الورق واديته هديه لعمو بتاع اللب احاول الحقه بقي لاحسن تقع ف ايده وتبقي مشكله
انتظار مؤقت
الله يسلمك يافندم
وبجد الف شكر علي سؤالك..وكفايه انك كنت كل فتره بتشقر عالمدونه تأكل التنين كان زمانه مات م الجوع
ماتشوفي خدامة تييجي تشيل معاكي وتغسل لك السجاجيد بدل وجع القلب ده؟
ياللا .. مبروك مقدما
يامراكبي
يادي النور يادي النور
والله البلوج انا خليته زي الفل زي مانت شايف اهه
بس المشكله اني بحاول اوازن بين التدريب بتاع الصيدليه..والنت..وحالة الاحباط اللي مالهاش اي داعي حاسه بيها ف كل جانب من جوانب حياتي الجميله
بس انا كنت ناويه اكتب حاجه وانزلها قريب ان شاء الله ..ربنا يسهل
منور يااستاذنا
Post a Comment