آآآآآآآآآآآآه...اخييييييرا
لا ماخلصتش امتحانات لسه بس علي الاقل خلصت مادة ومن ارخم المواد اللي عندي.....وفاضلي 4 ارخم منها ههههههههههههههه البني ادم ده عجيب جدا والله
غاوي بهدله ف نفسه..يعني لو كنت بذاكرها من اول السنه..ماكنتش اتذليت الايام اللي قبل الامتحان بتاعها...المشكله بقي اني لو كنت ذاكرتها ف ال6 ايام اللي قبل الامتحان بتاعها..ماكنتش اتذليت الليتلتين اللي قبل الامتحان
مشكلتي اني باموت وباترعب وباحس ان الدنيا بتمطر لو سمعت كلمة مذاكرة..دا غير اني باتجنن وباتنرفز وباتخنق لما بانفذ فكرة المذاكره علي ارض الواقع
اه بذاكر الحمد لله..بس وانا مخنوقه..والي يعدي جمبي يلاقيني بابرطم..ويادووووب ساعة واقوم
ساعه تانية واقوم ساعه تالته واعصابي مابتستحملش..حتي ايام امتحاناتي ...لما باعمل جدول مذاكرة..بابقي حريصه اوي وحاسباها بحيث اني اقدر اخلص المادة ف الوقت المطلوب وف نفس الوقت..اعرف اعيش حياتي..والله حاجه مزاج يعني
المهم
انا كنت جايه هنا اقول ايه؟
اه
كنت بقول اني اتذليت ف اليومين اللي قبل امتحان الصيدلانيات العزيزة..لما اكتشفت اني لسالي حوالي 3 مذكرات ماتفتحوش دا غير ان الحاجات اللي اتفتحت مش فاكره فيها حاجه..ماحدش يسالني امال الايام اللي قبل كده كنتي بتعملي ايه لاني نفسي مش عارفه ضاعو ازاي
قلت لالاماينفعش كده..انا حعمل اللي عليا وربنا يقدرني
المهم بدأ الكلام اللي بجد...كان لسه عالامتحان 48 ساعة وبدات ادرك كاي رجل حرب مخضرم ان الموضوع لو ماقدرتش احتويه.. العدو ..قصدي المادة دي حاتضيع من ايدي...مش تضيع يعني اشيلها بس يبقي خسارة فيا الكورس اللي كنت باخده فيها
عملت غرفه عمليات وقررت اني حقفل علي نفسي ومش حاخرج الا لما انجز المطلوب..الحقيقه ربنا ساعدني كتير خاصه اني كنت لوحدي يومها ف البيت يعني مفيش حد اتكلم معاه ولا حد اناكف معاه....خرجت من اوضه العمليات متاخر..خلعت الماسك وقلت..احنا عملنا اللي علينا والباقي علي ربنا..كان لازم نضحي ب... لالا دا من فيلم تاني
نمت ف اليوم ده الساعه 2 بالليل وصحيت تاني يوم الساعه 9 الصبح..مفيش وقت اضيعه ..دا ليله الامتحان...كنت حاسه بالضياع صراحةاصل كان فيه حاجات بسيطة لسه مافتحتهاش قبل كده ودي هواية عندي..المشكله مش ف كده بس المشكله هيه ان ساعات البني ادم بيوصل لمرحله مابيبقاش قادر يحصّل حاجه اكتر من اللي حصّلها...مخه بقي مشبع بالمعلومات وحاسس ان اي معلومة جديده حايحفظها..حاتخلي المعلومات التاني تخرج من ودنه
برضه اجتهدت بس اعلنت استسلامي للنوم الساعه 2 بالليل في محاوله يائسه لقرايه الحاجات دي عالاقل...صحيت الفجر ويادوب صليت وفطرت ونزلت امتحن وانا مش شايفه قدامي
بس الحمد لله..ياريت كل الامتحانات كده الفكرة بقي اني اول مارجعت ..قررت اني لازم انتقم وانام
مانمتش بقالي يومين ياجدعاااان
بعد العصرركبت سرير 6 مكيف...لاقيتني صحيت الساعه 12
لالالا ماحدش يضحك النكته لسه ماخلصتش
انا بس كنت باكتب الكلام ده..عشان راجعه انام تاني لاني لسه عاوزة انام بشده ه ه ه ه
قلت النكتة خلاص اضحكو بقي هههههههههههههه
تصبحوا علي خير ..هاااااااااااااااااااااااااااااااااااااااااوم...(بتاوب)..00
23 comments:
عادي جدا
أنا أذكر لما كنت في البكالوريوس وتحديدا ساعة مشروع التخرج .. كنت بأنام كل ثلاثة أيام مرة واحدة لمدة 8 ساعات
ربنا يوفقك .. وماتأخريش المذاكرة كده تاني
يامراكبي
انا باعترف ان احسن ايام بنام فيها بتبقي الامتحانات..بنام بضمير يعني مفيش كلام
عموما انا خلاص اتعلمت ومش حاأخر حاجه تاني ان شاء الله...انا مش مستعدة اعيش اسواء يومين ف حياتي تاني
يلا اهي حاجه لما افتكرها اضحك
شكرا علي مرورك ياباشمهندس:)
هو باين زى مايكون ده فيرس فى الجو
انا عندى الكتب جديدة للان
لما بسمع ياااااااااه دنا كلت الكتب اكل
بتحسر حسرة وزير طالع معاش
ربنا معاكى و معايا
النهاردة فع كنت شايفة جمع غفييير من عندكم طالع و شكلهم مذبهل
وعندك على الحجاز
او على الشلقامى
انا بقى الحمد لله اتجهت للاتنين النهاردة
لناااا الله
Regards:
Lojain :)
هههههههههههههههه
لجين صعبتي عليا يابنتي..فكرتيني بمأساتي
...
بس انا رايي ان الجمع الغفير اللي كان طالع من عندنا دول ماينفعلهمش الحجاز بس..دول محتاجين يروحو يحجزولهم بتاع 10 ترابيزات عند البغل ويخرجو الكبت اللي عندهم
منوراني ياجميل..ربنا معاكي وابقي طمنيني عملتي ايه
شوفي اولا ربنا معاكي و يوفقك و ينجحك ياااااااارب دعوة بلوجر ساعة كومينت ..تاني حاجه المفروض مشوفكيش في النت لغاية اخر يوم امتحان هوه كده معرفش ليه بس يمكن عشان مكنوش بيخلوني ادخل نت في الامتحانات اشمعنى انا يعني ...ربنا يوفقك يا قمر
Alive the people of Palestine, against the fascism of Israel and the terrorism of the North America
Peace for Palestine
ايه دااااااااااااااااه
انتى من بتوع البغل
لااااااااااا ده عليه خلطة فول خلتنى قاعدة فى اللاب شوية اشوف اشباح و شوية عمى مؤقت
يدوب الحجاز و انتهينا ولو انه بيعمل بيتزا الايام دى بلحمة القطط
الكتب مش طبيعية يا سلسبيل
نفسى اعرف ايه علاقة المواد بالتخصص اصلا
هيجيلى استبحس قريب و اكل بوز اللحاف
ابقى عدى نورينا فى حاسبات يابت
وعزومتك عندى و الله العظيم بس تعالى
تعالى اعزمك على افضل اختراع للبشرية فى عالم الفراخ
فاهيتااااا.. مش من مكس جريل متخافيش
من كوك دور
Regards:
Lojain :)
ربنا يوفقك يا رب
ركزي بس انتي في اللي جاي
و ربنا يكرمك انتي و كل المسلمين يا رب
تحياتي
انا عايزك تخلصي امتحانات بسرعة
علشان انا زهقت من بوستات الامتحانات والطوارئ دي يا ساتر
بتشيلونا الهم معاكم
واحنا مالنا هو احنا الي بنمتحن
يالا نستحملكم اليومين دول وخلاص
انتظار مؤقت
مش عارفه ليه النصيحه بتاعت جت معايا بالشقلوب
صراحه انا عمري مادخلت النت ف حياتي اكتر من الفتره اللي فاتت
مع ان كان عندي اغبي وارخم واغتت امتحان ف تاريخك ياكليتنا بس نعمل ايه بقي
شكرا علي مرورك يافندم..ودعواتك
David santos,,
The Palestinian people will live in peace someday in spite of the Alliance of Israelis and the Americans,Those who took his rights .
The Palestinian child whose media have portrayed a terrorist threat to security ... has committed no crime but to defend their plundered homeland . I call on all the world to see the whole picture to be able to know who is really a terrorist ...!
--------
glad to see you in my website & i hope to see u once again regards
,,mai,,
لجين
بغل مين يابنتي هههههههههه انا ماستحملش البغل ..كبيري مره ف الشهر مره كل شهرين...دا لما باكله بيجيبلي عمي مؤقت وصمم استرالي وبطء ف الاستيعاب بحسس م الاخر اني تحت الارض
انا رايي ان الواحد لما يبقي متدايق يروح البغل..لانه لما حاياكل حاينسي كل حاجه حتي عنوان بيتهم زي اللي بيشرب عشان ينسي كده ههههههههههههه
وبعدين ايه ده
انتي ف حاسبات ..وانا معرفش؟
يابنتي اجدع ناس ف الجامعه كلها حاسبات
واما بالنسبه للعزومة..بس لو ماكنتيش تحلفي..بس انا بقول نخليها مؤمن عشان بحب اكل من عندهم كييف
p: علي حسابك طبعا ههههههههه
منوراني ياقمر
ادعيلي بقي اخلص من المواد المقرفه اللي فاضلالي دي وانا اللي اعزمك عند
العمدة بتاع الكشري :)
proid
ربنا يستجيب منك
انا بركز اهه
بس الدكاتره باين هما اللي مش مركزين خالص
ربنا يوفقنا ويهديهم بقي
شكرا علي مرورك
كراكيب عادل
ياسلااااااااام عالناس
وانا اللي بقول انت عاوزني اخلص عشان استريح..عشان انام بدل مانا صاحيه علي طول..عشان اعرف اصيف .. عشان اي حاجه
لكن عشان تستريح من البوستات؟. هههههههههههه
الحق عليا اني باعيشكو معايا ف الجو..
بافكركو بالايام ال..حلوة ..دي
واخد بالك من كلمه حلوة
عموما ولا يهمك
انا عارفه انت اكيد محتاج اني ازود جرعه البوستات اللي عن الامتحانات وحاتغير رايك علي طولD:
عموما ادعيلي اخلص بقي عشان انا وصلت لاخري وحاسه اني حانفجر من كتر الغيظ
انت مش متخيل الجو عامل ازاي هنا والمنظر الجميل اللي لما تشوفه من البلكونه لازم تقول انا عاوز انزل ايه مقعدني ف البيت
فعلا ربنا يصبرني..انا المفروض كنت اقعد ف كهف لحد ماخلص عشان ماتعقدش
اما اروح اعمل شاي وابتدي اذاكر بقي
منور يافندم
انا حبيت اعدي و اطمن على اخبار الامتحان من باب البلوجر لبعضيهم ..يا رب يكون كلو تمام و بالتوفيق
تحياتي
ندعوكم لزيارة مدونة خليك فى البيت والمشاركة فى الحملة
كلنا ذاك الرجل
انا عن نفسى بقيت حاسس ببرود اكنى مش طالب
بت يا بتاعى البغل للحديد و الصلب
انتى فين خلصتى ولا لسة ولا ايه نظامك
عملتى ايه فى الامتحانات
انتى املنا فى كاس العالم يابت
اوعى تفضحينا
Regards:
Lojain :)
ندعوكم لمشاهدة العدد الثانى من مجلة نفسنا
ندعوكم للمشاركة معنا فى
الملتقى
ملتقى ابداع المدونين
واراءهم ومواضيعهم
تسعدنا مشاركاتكم
اختفاء مدونه ده حيكون البوست الجاي لو مضهرتيش
تحياتي
انتظار مؤقت..
ربنا يخليك شكرا علي سؤالك عليا ف الفتره اللي فاتت فعلا ياولاد البلوجات لبعضيها..
خالد
البرود دا بقي صفه طبيعيه خاصه بعد الانحباس الحراري ماهو الواحد لازم يكيف نفسه ولا حايسيح من الجو الفظيع ده
لجين
كاس عالم ايه يابنتي
احنا عدينا ههههههههههههه
المرادي حاخد جايزة البليه الذهبيه عن بطولة البلي مسافات طويله للناشئين
Post a Comment