Friday, July 22, 2011

عزبة ابوهم

كان ياما كان الشعب اتحرر..
من تأبيدة..لتأبيدتين
لعبو معاه حراميه وعسكر
خد بسببهم عزق متين
قاللك"يوليو"وقلبو الطاولة
ويسموها مجازا ثورة
واخدو البيت من بابه مقاوله
عزبه ابوهم..مش سائلين
واما ف خمسه وعشرين ثورنا
واتحرر قطعا تفكيرنا
بعد بيان حسبونا سكرنا
وقالو لبعض "خلاص..لازقين"ـ
مجلس عار وندامة وخيبة
افكار دايبه وسحنه كئيبة
وشباب جدا..يادي الخيبة
اصغرهم فوق السبعين
عيب والله عليك يازواوي
شكله عبيط انما غلاوي
ياما ف جراب الحاوي بلاوي
واللي(يَزيد) فاكرينه (حسين)ـ
تبقي حرامي حبيبه كفاءه
او سفاح تطلع ببراءه
انما ثاير..لأ..دي جراءة
هايخزأ عينك الاتنين
اضرب..واسجن..واحرق..واكسر
نفس غباءك وبيتكرر
يســـقط..يســقط حكم العسكر
لا بنستسلم..ولاخايفين
---------------------


مي رضوان
23-يوليو-2011
كل انقلاب وانتو طيبين

2 comments:

يا مراكبي said...

هو الشعر جميل .. بس الموضوع مش سوداوي قوي كده
:-)

كل عام وأنتم بخير

Unknown said...


thx

كشف تسربات المياة
غسيل خزانات
شركة نظافة عامة