Tuesday, May 16, 2006

الدرس الأول..اعد ترتيب افكارك اعد ترتيب اوراقك

طبعا ماتقولليش انك حاتتحول الي نور الشريف في فيلم (الوحش)عشان تأكد لكل الناس انك خلاص(اتغيرت) ولا مش انا اللي ابكي...وعاد
لينتقم وتلطش ف كل اللي حواليك كبيرهم وصغيرهم حلوهم ووحشهم
لازم ترتب نفسك
كل ماتحتاجه ورقه وقلم..اكتب اسماء الناس اللي بتتعامل معاهم من زملا وجيران وكل ماتتخيله حتي البواب
بتاع العماره لو ف عمارتكو بواب يعني.. لو مش ف عمارتكو بواب زينا يبقي شيل بند البواب خالص ياسيدي محبكتش وحط بداله الزبال او البوسطجي او اي حاجه مشي نفسك
بعد ماتكتب الاسماء...ابتدي صنفهم بالترتيب
حسب درجه النداله من الاندل حتي الاقل نداله وهكذا....وبكده تبقي عملت جدول للاوغاد في حياتك...ولما تخلصه تقدر تقول انك مستعد للانتقال للدرس التاني...ركزززززز معايا
كويس الدرس التاني محتاج شغل..شد حيلك يابطل لسه المشوار طويل

No comments: