بعد ماعمو العربي ((مش بتاع توشيبا)) كلم الدكتور الجديد اللي اشتري الصيدليه
مباقاش ناقص غير اني اروح للدكتور بنفسي هناك اتفق معاه علي المواعيد
.مع ان تدريبي المفروض قانونا يبقي السنه الجايه بس انا متحمسه جدا اني ابتدي السنادي..دانا اعرف ناس بيتدربوا من اعدادي
المهم بقي
دخلت..
سلام عليكم
وعليكم السلام...رد علي واحد بكل هدؤ باين عليه انه طيب ع البركة
انا مي اللي بابا كان كلم حضرتك وعمو الع..
اه اه اهلا انتي ف سنه كام؟؟
اولي وطالعه تانيه
طيب بصي
ايوة...
استني كده...والتفت لاحد الزبائن..بس حسيت للحظة انه بيهش فرخه مليانه براغيت لما قاللي استني..وانه طايقني بالعافيه
قلت معلش فوتي يامي
اتلفتلي تاني..وهنا بدأ الكلام بكل غتاته
بصي يامي عاوز اعرفك حاجه مهمه انتي هنا جايه تكتسبي خبرات يعني تعتبري لوود علي الصيدليه ومصدر تعطيل دا اكيد
آآآ..
عشان كده ياريت تحاولي تكوني متعاونه ف المقابل..مش مجرد بتيجي تضيعي وقت
آآآ
تنحت وهزيت راسي بمعني ماشي
وكمان انتي حايبقي دا مكانك..وشاورلي علي احد اركان الصيدليه فيه ريون صغير جدا
ماتتحركيش منه
آآ
مفيش اي تصرف من غير ماتسالي حد من اللي بيشتغلوا هنا
مفيش اي تصرف من غير ماتسالي حد من اللي بيشتغلوا هنا
..في غيظ...هممم
مفيش اي تعامل من اي نوع مع المريض
في ملل ....مممممم
مفيش اي حاجه..تعملي اللي بيتطلب منك وبس
الراجل ده محسسني انه جايب قطة تقف ف الصيدليه مش دكتورة تحت التمرين
الراجل ده محسسني انه جايب قطة تقف ف الصيدليه مش دكتورة تحت التمرين
و كان نفسي اساله ساعتها سؤال مهم ابقي امسح الصيدليه امتي سعادتك؟؟ ماهي حاجه تفلق يعني..عموما
عرفت ان البدايه كانت غير مبشره اطلاقا
عرفت ان البدايه كانت غير مبشره اطلاقا
خرجت من عنده وانا شبه يائسه ومش عارفه حعمل ايه وانا المفروض اروح بكره الضهر زي ماتفق معايا....بصراحه نفسي اتسدت بقي وبفكر ماروحش...دا اللي قلته ساعتها وانا راجعه البيت
السلام عليكم
ReplyDeleteده أنت كده حضرتك راحة تتدربي ما بالك بقة لو راحة تشتغلي
ده أنتي هتشوفي أيام
ربنا معاكي
سلام
نو فير
ReplyDeleteانت بتخوفني ولا ايه ههههههههه
بس صدقني ونا بشتغل ارحم لسبب واحد
علي الاقل باخد مرتب
يعني مهما يتعمل فيا حاقول معلش اهو الناس بيدوني مقابل اخر الشهر
لكن اقنعني بقي ازاي اتبهدل البهدله دي وبيوفرو عمالة ويستفيدو مني وكمان ببلاش..ياعم دا افترا والله D:
عموما منور يا فندم
هههههههههههههههه
ReplyDeleteياعينى يابنتى هو بيعاملك كدة ليه ههههههههههههههه
ياحبيبتى ده انتى لسة طالعة تانية ع البركة .. اومال اللى ع البطالة مجبور يعمل اييييييييييييه
بس خدى بالك بعد التخرج بردو بيبقى فى تدريب من غير فلووووووس .. شحططة بقا ومواصلات لله وللوطن بعيد عنك يعنى
معلش تعالى على نفسك واستمرى واهو حتكتسبى خبرات زى ماعمو اللى مش طايقك بيقول
:D
سلام ياقمر
انسانه...امال لو شفتي اللي بيتعمل فيا بعد كده ههههههههههههه
ReplyDeleteانا خلاص بقول مش عاوزة خبرات ولا بتاع
وبفكر اقضي باقي الصيف زي زمااااااااااااان اه يااعصابي نفسي اصحي العصر ايه الافترا ده
منوراني ياقمر
السلام عليكم
ReplyDeleteربنا يوفقك
هههههههههههههههههههههههههه
ReplyDeleteمتخيل شكلك وانتي مركونة في الزاوية الي تحت دوا الكحة علطول
مسكينة يا مي
طب لو تخيلنا انك مثلا عصيتي الاوامر دي
دة ممكن يطردك برة
ويقولك بررررررررررررررررة
زي ما بنشوف في الافلام
او ممكن يروح فاتح باب الصيدلية ويشاور علي برة ههههههههههههههه
نو فير..
ReplyDeleteيارب يوفقنا جميعا
كراكيب عادل
ReplyDeleteهههههههههههه لا انا مش ف ركن دوا الكحه انا ف ركن المراهم والفوارات
وبعدين مين ده اللي يطردني..هههههههههههه مش للدرجادي ياعم هوه انا خلاص اتهزقت اوي كده..دا كان يبقي فيها دم للركب
وبعدين مافتكرش انه ممكن يعمل كده..هوه شاف مني كتير ولسه ماعملش الخطوة الجريئه دي يبقي مش حيعملها خاصه بعد ماتبعت معاه اسلوب الغلاسه
عموما لما اكمل الحكايه حتعرف
قال يطردني قال ...هع
تعقيبا على كلام عم عادل المكركب
ReplyDeleteممكن برضة تلاقية بيجرى وراكى فى الصيدلية بأيد مقشة ويقولك
أقلعى الجزمة محدش هيقلعهالك
الفلكة يا جااااااااابر
ثم طاااخ بأيد المقشة على نافوخك
بالأضافة لركلة من بتوع أبوتريكة
وهوووب تلاقى نفسك برة الصيدلية
هههههههههههههه
شكلها كدة هتبقى فاتحة خير عليكى
:)