اولا شكرا لكل اللي سألو عني وانا مش موجوده ايام امتحاناتي
وكل اللي استحملو رخامتي وانا مش موجوده برضه بعد الامتحانات باخد فتره نقاهه لابد منها
طبعا زي مانتو شايفين المكان بقي مترب ومحتاج عمليه توضيب..حد يفتح الشبابيك ياجماعه
وحد ياخد المراتب دي يحطها ف الشمس شويه
المقشة ورا الباب حاجيبها عشان اكنس ....وياريت لو حد عنده مروحه يتبرع بيها للمدونه لان الدنيا حر جدا زي مانتو عارفين والتكييف عطلان ونردهالكو ف الافراح جميعا ان شاء الله
اية الكسل دة كلة
ReplyDeleteاية الخمول دة
فينك الي يشوفك ايام الامتحانات يقول دي بعد ما تخلص هتغزو العالم
حمدالله على السلامه يا قمر
ReplyDeleteكراكيب عادل
ReplyDeleteدا مش كسل
دا بس صدمة من موجه الحر الغلسه اللي كنت عايشاها الفتره اللي فاتت مع اني ساكنه عالبلاج تقريبا بس الحمد لله اتكسرت..اياكش كانت تتكسر دماغها زي ماسيحت دماغي
اما بالنسبه لحكايه غزو العالم ف الحقيقه انا كنت عامله خطة علي ورقه من ورق المراجعه اغزو بيها العالم بس لميت الورق واديته هديه لعمو بتاع اللب احاول الحقه بقي لاحسن تقع ف ايده وتبقي مشكله
انتظار مؤقت
ReplyDeleteالله يسلمك يافندم
وبجد الف شكر علي سؤالك..وكفايه انك كنت كل فتره بتشقر عالمدونه تأكل التنين كان زمانه مات م الجوع
ماتشوفي خدامة تييجي تشيل معاكي وتغسل لك السجاجيد بدل وجع القلب ده؟
ReplyDeleteياللا .. مبروك مقدما
يامراكبي
ReplyDeleteيادي النور يادي النور
والله البلوج انا خليته زي الفل زي مانت شايف اهه
بس المشكله اني بحاول اوازن بين التدريب بتاع الصيدليه..والنت..وحالة الاحباط اللي مالهاش اي داعي حاسه بيها ف كل جانب من جوانب حياتي الجميله
بس انا كنت ناويه اكتب حاجه وانزلها قريب ان شاء الله ..ربنا يسهل
منور يااستاذنا