من حقي احلم واهرب فيك
واتجنن وياك ف الحلم
ونقصقص ورق الايام
فوق مشاويرنا
ال..نص بعيدة
ونشقلب شكل المعقول
او نخرج عن نَص الفيلم
نبقي عيال
جواهم اكبر قلبين
بيشخبطو علي الحيطة كلام
ركنو العقل هناك ع الرف
واتحرروا من زحمة غيرهم
جوا الصف
نضحك سوا علي نفس النكته
بدون تكتيف
ونسمة صيف
تلمس احساسك.>>تتكلم
بحروف واقعة ف وسط الجملة
بعشق نغمتها المخطوفه
لما تقرب من احساسي
ولما تضم
--------------
7-12-2008
---------------
ساعات بنحس اننا اتولدنا مجانين..ساعات بنحس اننا اتولدنا عشان نجنن غيرنا...ساعات بنطلع للحياة عاقلين زياده عن اللزوم..وبنخطف لحظات الجنون بين الحين والاخر..عشان نكسر رتابه الحياة..كل الحكايه اني كالعاده كنت برتب ملفاتي اللي مش قديمة قوي...ولاقيت القصيده دي..وبصراحه سالت نفسي انا ليه مانزلتهاش وقت ماكتبتها..واكتشفت اني ماكانش ليا مزاج ساعتها..حاجه بايخه جدااا لما يكون مزاجك هو اللي متحكم فيك..خاصه لو كان بيتغير كتير حسب مزاجه هو!!...بس بما اني اعلنت العصيان علي مزاجي...الاعلان ده كان النهارده الصبح قبل ماقوم من السرير علي فكرة.....فقلت اما الحق انزل القصيده لاني عارفه اني ع الضهر هيبقالي اكيد راي تاني..وع العصر هيبقالي راي تالت..وع المغرب..مش هيبقالي اي آراء لأني..ا بنام بعد العصر.....المهم انا برغي ليه معرفش...صحيح..كلمه اخيره واقفه ف زوري
صباح الخير ,,والاحساس,, والطيــــــــــــــــبة
7-12-2008
---------------
ساعات بنحس اننا اتولدنا مجانين..ساعات بنحس اننا اتولدنا عشان نجنن غيرنا...ساعات بنطلع للحياة عاقلين زياده عن اللزوم..وبنخطف لحظات الجنون بين الحين والاخر..عشان نكسر رتابه الحياة..كل الحكايه اني كالعاده كنت برتب ملفاتي اللي مش قديمة قوي...ولاقيت القصيده دي..وبصراحه سالت نفسي انا ليه مانزلتهاش وقت ماكتبتها..واكتشفت اني ماكانش ليا مزاج ساعتها..حاجه بايخه جدااا لما يكون مزاجك هو اللي متحكم فيك..خاصه لو كان بيتغير كتير حسب مزاجه هو!!...بس بما اني اعلنت العصيان علي مزاجي...الاعلان ده كان النهارده الصبح قبل ماقوم من السرير علي فكرة.....فقلت اما الحق انزل القصيده لاني عارفه اني ع الضهر هيبقالي اكيد راي تاني..وع العصر هيبقالي راي تالت..وع المغرب..مش هيبقالي اي آراء لأني..ا بنام بعد العصر.....المهم انا برغي ليه معرفش...صحيح..كلمه اخيره واقفه ف زوري
صباح الخير ,,والاحساس,, والطيــــــــــــــــبة
صباح النور
ReplyDeleteوكلماتك جميلة جدا ومعبرة
وحلو التنفيذ سريع أنا برضه مش بحب التفكير الكتير
يا ريت تزورينى في مدونتى وتقوليلي رأيك في القصة ايللى بكتبها وقررت أنزلها بسرعة قبل ماأرجع في كلامى
سلام وتحياتى ليكى
هى دى سلسبيل ولا بلاااااش..
ReplyDeleteجميلة جدا ..و مستنية اجمل كمان..
و صباح الورد عليكى.. :)
كلمات جميلة جدا
ReplyDeleteتحمل فى ثناياها الكثير .
ميزتها اختلافها وتنوعها
كلماتها جديده
كلمات رقيقه :)
ReplyDeleteتقبل مرورري:)
حاجه بايخه جدااا لما يكون مزاجك هو اللي متحكم فيك..خاصه لو كان بيتغير كتير حسب مزاجه هو!!..
ReplyDelete****
انتي هتقولي لي على المزاج لما يتحكم !!!
عقبال انا كمان لما اعلن العصيان
دمتي مبدعة
تحياتي
من حقي احلم واهرب فيك
ReplyDeleteواتجنن وياك ف الحلم
....
ومن أعطاك هذا الحق
:)
.............
ربما كانت زيارتي الأولي
ولكني وجدت مالم أتوقع
وجدت شيئا يرقي بحبرالكتابه
ليضعه بين وريقات الأوركيد
..............
دمتي مبدعه
صباح الفل
ReplyDeleteجميلةوعجبتني .. بس ده رأيي بعد العشا يمكن بكره بعد الظهر أغير رأيي
إنت وحظك بقى :-)))
صباح الجمال على أحلى سلسبيل عرفتها في حياتي
ReplyDeleteايه الكلام الجامد ده ..
بصي
عندي ليكي اقتراح صغنتوت خــالص
ايه رأيك تنزلي ديوان شعر رائع من اللي بتكتبيه ده ..
خسارة الناس متشتوفش الموهبة العظيمة دي
وصباح النور
بنوووووته العسولة
ReplyDeleteربنا يخليكي ياجميل سعيده باول زياره ليكي واتمني انها تتكرر
ماتخليكي شويه نشرب كابتشينو ;)
سنتوفه ياحياتي
ReplyDeleteمش عارفه كنت هعمل ايه من غير تشجيعك
بحب دايما اسمع رايك ياجميل لانه يهمني
مش بس يعني عشان احنا صحاب وانك لاااااااااااااااااااااازم (تحت تهديد السلاح)هتقولي ان القصيده حلوة
لكن بجد لاني بثق في رايك وف احساسك
يلا كفايه عليكي حته الرومانسيه دي
امشي بقي عشان ماعيطش مانتي عارفه دمعتي قريبه اهئ اهئ
مسدس صغير
ReplyDeleteشكرا كتير علي ردك
واتمني كتاباتي تكون عند حسن ظنك دايما
لك مني تحية
اقصوصه
ReplyDeleteسعيده بتواجدك في صفحتي واتمني ان الزياره الجميله تتكرر ف المستقبل
احترامي
ملكه ف بيتها
ReplyDeleteفعلا مشكلة..تحسسك ان جواكي طاقات كتيييير جدا بس كان حد مكتفك..الحد ده هو مزاجك طبعا
طب ياريتها بس تفضل ع الحاجات البسيطه زي الكتابه..وماتمتدش للقرارات الحاسمه ف الحياة
دمتي بخير
الشارد
ReplyDeleteلاا كده كتييير عليا بجد
ربنا يخليك كفايه وجودك بين التعليقات
شكرا ليك :)
ياسمييين
ReplyDeleteلااا ارجوكي..ابقي قولي رايك بسرعه ماتستنيش ههههههههههه
عشان برضه محدش ضاامن
منورة ياجميل
فيروز الجميلة
ReplyDeleteبما اننا بالليل..ف مساء الورد
بالنسبه لمساله الديوان فمكدبش عليكي فكرت فيها كتير وفعلا هي كانت ومازالت حلم عندي
بس حاسه ان لسه بدري
محتاجه رصيد كبير من الكتابات اعتقد اني لسه محققتوش
ادعيلي بقي عشان ابقي احجزلك اول نسخه ان شاء الله
وبعدين كفايه انك شايفه موهبتي عظيمه مرة واحده
دي شهاده غاليه اوي
تسلمي ياجميل
خدي ورده بقي
يا مااانو
ReplyDeleteكتير اوووي باقف مع نفسي و أقول محتاجة إني آخد من الحلم دقيقة
و من الجنان عمر كامل
دايما كلامك بيختلف
بيوصلني و بيغير فيا حاجة
حتى مزاجي بيتغير مع كلامك
يعني دلوقتي أنا حاسة إني عايزة أطلع أشوف الشمس و احلم و احتمال كمان انط الحبل من الشعور الطفولي الأبيض اللي جوايا
ألف وردة رقيقة زيك يا قمرايتي
إزيك
ReplyDeleteدى أول مرة أدخل مدونتك
بس بصراحة الكلام جميل
تعرفى مش عارفة لية أول ما قرأت الكلام جة فى بالى أغنية أم كلثوم ( الأطلال) طبعاً مش عارفة تعرفيها ولا لإ لكن كانت بتقول: (ومشينا فى طريق مقمر تثب الفرحة فية قبلنا وضحكنا ضحك طفلين معاً وعدونا فسبقنا ظلنا)
يعنى الحب ممكن يخلى الواحد يتصرف كالأطفال
تحياتى
سلام
أول زيارة لمونتك والحقيقة مدونة جميلة جداً والبوست أكتر من رائع
ReplyDeleteدمت بكل الود والشيكابالا
سمسم
ReplyDeleteيابنتي حاسه اننا توأم
كل يوم بيزيد احساسي بكده
بحب حكايه ان الواحد يتخلي عن عقله فتره ..يعمل فيها كل الهبل اللي نفسه فيه
من كام يوم خرجت البلكونه وكان المنظر جميل
والحياه باينه ورررديييي
كان نفسي افتح دراعاتي وابص للسما واقول بعلو صوتي ياهووووووووووووووو
بس ف اخر لحظة لاقيت جارتني بصالي بكل استغراب
الله يسامحها خرجتني م الموود
استنيني عشان جايبالك كيلو ابو فروة زياره وانا جايه المدونه عندك
دردشه ع الماشي
ReplyDeleteسعيده بزيارتك واتمني انك تنوريني علي طول
الحب فعلا ليه قدرة سحريه علي انه يقلب حياة بني ادم
سواء لشئ حلو او لجحيم
بس اجمل شئ فيه
جنانه
تحية ليكي
زمن الشيكابالا
ReplyDeleteشرفتني باول زياره يافندم
الا صحيح
ماقلتليش هي الشيكابلا بيتركبلها منين
دمت بكل خير